💠 Toshkent davlat iqtisodiyot universiteti Soliq va budjet hisobi fakulteti dekani L. Zoyirov, dekan o‘rinbosari S. Eshniyazov hamda Tyutorlar faoliyatini muvofiqlashtirish va talabalar bilan manzilli ishlash bo‘limi tyutorlari tomonidan fakultetda tahsil olayotgan, ijara xonadonlarida istiqomat qiluvchi talabalar holidan xabar olish va ularning yashash sharoitlarini o‘rganish ishlari olib borilmoqda.
🔅 O‘rganish davomida talabalarning yashash sharoitlari, xonadonlarning sanitariya-gigiyena holati hamda mavjud xavfsizlik talablari ko‘zdan kechirildi.
🟢 Shuningdek, talabalarga is gazidan zaharlanish, havo-gaz aralashmasining chaqnashi, yong‘in xavfi, suvda cho‘kish, oziq-ovqatdan zaharlanish, botulizm va quturish kabi xavf-xatarlardan saqlanish yuzasidan tushuntirish hamda profilaktik targ‘ibot ishlari olib borildi.
🔻 Mazkur o‘rganish ishlari talabalarning xavfsizligini ta’minlash, ularning yashash sharoitlarini yaxshilash, sog‘lom turmush tarzini targ‘ib qilish va ijara xonadonlarida xavfsizlik qoidalariga rioya etilishini nazorat qilishga qaratilgan.
Soliq va budjet hisobi fakulteti
🔵 Telegram | 🟥 Instagram