🎚 Toshkent davlat iqtisodiyot universiteti Soliq va budjet hisobi fakulteti Amaliy matematika kafedrasi tomonidan “Davlat tili — birlik va g‘urur ramzi” mavzusida adabiy kecha tashkil etildi.
🤔 Tadbirda Toshkent davlat O‘zbek tili va adabiyoti universiteti v.b. professori Tilavov Abdumurod mehmon sifatida ishtirok etdi.
Adabiy kecha davomida talabalar bilan o‘zbek tili, uning tarixi va boy imkoniyatlari, shuningdek, tilga oid badiiy asarlar yuzasidan qiziqarli savol-javoblar o‘tkazildi. Talabalar o‘z bilim va dunyoqarashlarini namoyon etib, ona tilimiz hamda adabiyotga oid savollarga javob berdilar.
🔵 Faol ishtirok etib, savollarga to‘g‘ri javob bergan talabalarga rag‘bat sifatida badiiy kitoblar sovg‘a qilindi.
🔘 Mazkur adabiy kecha talabalarning kitobxonlik madaniyatini yuksaltirish, ona tilimizga bo‘lgan hurmatini oshirish hamda milliy qadriyatlarimizni yanada chuqurroq anglashlariga xizmat qildi.
Ona tilimiz — milliy g‘ururimiz va ma’naviy boyligimiz!
Soliq va budjet hisobi fakulteti
🔵 Telegram | 🟥 Instagram