Тизимсиз ва тизгинсиз Veolia Tashkent

Veolia Tashkent фирмаси Франциядан келган ва уларнинг энг бирламчи вазифаси Тошкентдаги энг ёмон инфратузилмалардан бири — иссиқлик таъминотини "одам" қилиш эди.

Афсуски, ҳеч қандай ўзгариш бўлмади. На трансформация, на инфратузилма, на онлайн тўловлар яхшиланди. Улар фақат тарифларни ошириш билан кўзга кўринди холос.

Ботимизга бу борада кўплаб мурожаатлар ёзишади: онлайн тўлаш имконсизлиги, онлайн тўласа, пуллар йўқолиб қолиши, бюрократия авж олиб кетгани, рақамлаштиришдан асар ҳам йўқлиги шулар жумласидан.

Мустақил ўрганишларимизда ҳам маълум бўлдики, пойтахтнинг иссиқлик таъминоти тизими бошқа коммунал тизимлар билан солиштирганда умуман ишламайди.

Масалан, электр энергияси, газ, ичимлик ва оқова сув, чиқинди ташиш хизматлари тўлиқ онлайн тўловларни қабул қилишга ўтиб кетган ва тўланган пуллар ҳеч қаерга йўқолиб қолмайди.

Ёки идорама-идора юриб, ҳисоблагич кўрсатмайсиз, хато кетган бўлса, бир дунё қоғоз йиғиб, ойлаб вақт йўқотмайсиз. "Переоформление" автоматик ўтиб кетади. Veolia’да эса буларнинг акси.

Veolia Tashkent ушбу постга эътироз билдириб, "биз ўтган йили фалон ишларни қилдик", деб яна бир дунё ҳисоб бериб чиқиши мумкин. Чунки улар юқоридагилар олдида ёмон кўринмасликка уринади, халқ қийналаётгани билан иши йўқ.

Балки биз адашаётгандирмиз, ҳурматли Тошкент аҳли, иссиқлик таъминотида муаммолар борми? Марҳамат, изоҳларда ёзинг ёки ботимизга юборинг.

Телеграм | Харажатлар | Facebook | Instagram | X | Боғланиш | Реклама учун | Whatsapp