سنین اوچون داریخمیشام
گوزلرینه باخماخ اوچون
اللرینی سیخماخ اوچون
داریخمیشام
کچنلری گوز اونونه گتیردیکجه
هچکس اوچون دییل، تکجه
سنین اوچون داریخمیشام
باشینی سینه مه قویوب
اولانلاردان-کچنلردن گولوب-دانیشماغین اوچون
کوسوب-باریشماغین اوچون
او قورخو، او تلاش اوچون
هر دفعه آیریلان زمان
قاپیدان چیخمامیش ،
منی توتوب ساخلاماغین اوچون
سوسوب آغلاماغین اوچون داریخمیشام
سنه او آن محکم-محکم ساریلاراخ
گولمَی اوچون داریخمیشام
گوز یاشینی سیلمَی اوچون داریخمیشام
سن اوزاخدا اولان زامان
گوزوم یاشلا دولان زامان
سنه مکتوب یازماق اوچون داریخمیشام
داریخمیشام
گنه بوگون داریخمیشام
سنینله بیر یاشادیغیم
هر شئی اوچون داریخمیشام
سنین اوچون داریخمیشام
گوزلرینه باخماخ اوچون
اللرینی سیخماخ اوچون داریخمیشام
کئچنلری گؤز اونونه گتیردیکجه
هچکس اوچون دییل، تکجه
سنین اوچون داریخمیشام
گئری قایتماغین اوچون داریخمیشام
Post #6440
20