Бу СИ давридан, сохталиклардан аллақачон чарчадиёв одамлар. Инстаграмга киргандим, ҳамма СИда ёшлигимиз ўтган даврга қайтгандай таассурот берадиган видеолар ясаган, ўша технологияси ҳозиргидай кўп бўлмаган вақтларга соғинчини билдирган... Ўйлаб кўрсам, ростдан чарчатяпти кундан кунга ривожланаётган технологияси...

Болаликдаги “қаҳрамон”ларимга жавобим:

— Аҳволим яхши, ҳаёт қонунларига бўйсуниб, баъзиси билан курашиб яшаяпман. Нималарнидир тушундим... Ёшлигимдан китобларни яхши кўрардим, ҳозир ҳам китоблар ичидаман, узоқ юртларга кетганман, талабаман, бир нуфузли университетда ўқийман. Шу билан бирга онлайн тарзда Ўзбекистонда ишлайман, бир нечта нашриёт билан ҳамкорликда ишлайман, муҳаррирман...