قیشین قره قئییدی، آلیب منیم جانیمی،
خورتدان دئییب قوجالیق، کسیب منیم یانیمی.
بو سیقار دا زلی‌تک، دوشوب منیم جانیما،
دوداق-دوداغا قویوب، سورور منیم قانیمی.
سازاق سازین قوراراق، قولاق‌دی سانکی بورور،
چکیبدی ایپلیگیمی، قیریبدی قئیطانیمی.
یئنه قیشین قوشونی، پاییز مارشین چالاراق،
کردیمده وارسا بیچیر، لاله‌می رئیحانیمی.
«اوشودوم ها اوشودوم» دئییر منیم دردیمی،
کورسو تووون ایتیریب، آختاریر درمانیمی.
پاییزلامیش زمی‌یم، وریان منه نه گرک؟!
دؤنرگه دؤنده‌ره‌جک، دؤندوکجه وریانیمی
یئتیم‌تک اوز-گؤزومی نیبت باسیب، باساجاق،
یامان قاریشدیراجاق، سلقه‌می، سهمانیمی.
نه دیز وار کی سورونوم، نه اوز وار کی قاییدیم،
نه یوک قالیب نه یابی، سویوبلا کروانیمی.
ائلدن منی قوجالیق، آزقین سالیب، سالاجاق،
ایتیردی «تبریز»یمی، اودوزدو «تهران»یمی.
بیزیم ده چایخانامیز، چای تؤکه‌رک قوناغا،
دولدوردو زردآب ایله، منیم ده فینجانیمی.
#شعر استاد شهریار
خزل آی خوش گونلر اولسون 🍂
@tabrizlinks
Post #89532
144
- ❤ 7
- 👍 1