عؤمرون پاييز فصلی سيخدی اليمی
يوخسا قوجاليرام من ياواش-ياواش؟!
پاييزدا يارپاغا خال دوشن كيمی
دوشور ساچلاريما دن ياواش-ياواش
آغاجلار سویونور،يئر خزل له نير
فيكير دومانلانير،گؤزلر زيلله نير
گوللرين اوستونه ائنن تک ائنير
منيم گؤزلريمه چن ياواش-ياواش
سارالير گئت-گئده چؤل،چمن،چايير
كؤنول هر ساعاتی عؤموردن سايير
بير سس قولاغيما هئی پيچيلدايير؛
بختیار گؤيلردن ائن ياواش-ياواش!
#بختیار_وهابزاده
@tabrizim2❤️