УСТОЗЖОН

( Мактаб тугашини интиқ бўлиб кутаётган устозларга)

Чарчадингиз, биламан роса,
Тўлди Сабр аталган коса,
Яна озроқ топинг муроса,
Тўрт кун қолди, чиданг устозжон!

Нерв торлари узилаяптими,
Асабингиз бузилаяптими,
Кунлар йилга чўзилаяптими,
Тўрт кун қолди, чиданг устозжон!

Турли "Тилхат", "Кафолат хати",
Ёзги таътил ҳақда суҳбати,
Охири йўқ ишлар навбати,
Тўрт кун қолди, чиданг устозжон!

Ёпилади "Kundalik.com" лар,
Сизни кутар гўзал маконлар,
Зомин, Чимён, ё Кумушконлар,
Тўрт кун қолди, чиданг устозжон!

Чарчагансиз, биламан роса,
Тўрт кун қолди, чиданг устозжон!

Ўлмасбек Самарқандий.

✅Яқинларга юбориб қўямиз

🍏 TABOBAT TV