Internetda bir chiroyli kuzatuv tez-tez uchraydi. Unga ko'ra, ispanlar diqqatni "qarzga beradilar", fransuzlar uni "yaratadilar", inglizlar "to'laydilar", nemislar esa "sovg'a qiladilar". Qiziqib qarasam, bu so'zlarning haqiqiy tarixi yanada qiziqroq ekan.

Ispancha prestar aslida "taqdim etmoq" ma'nosidan kelgan ekan. Inglizcha pay esa "bajo keltirmoq" ma'nosini bergan ekan: shuning uchun ham inglizlar tashrifni ham, hurmatni ham "to'laydilar". Nemischa schenken dastlab "ichimlik quyib bermoq" degani ekan.

Endi o'zimizning tillarga qaraylik. Ruslar diqqatni "ajratadilar" (уделять внимание), ya'ni undan bir ulush beradilar, go'yo u cheklangan. Biz O'zbeklar esa e'tiborni "beramiz"- qaytarib olishni kutmasdan. Diqqatni esa "etamiz", xuddi fransuzlardek demak.