Беларусы адзначаюць паўстанне 1863 года, якое пачалося у Беларусі, Літве і Польшчы, за вызваленне гэтых тэрыторый ад улады Расійскай імперыі.

Чаму важна памятаць гэтую дату і як яна адлюстроўваецца для мінулага і сучаснасці Беларусі? Сваім меркаваннем з @bnkbel падзяліўся беларускі дабраахвотнік Аляксандр "Кусь" Клачко:

— Для мяне, для беларуса - гэта вельмі важная падзея. Паўстанне, гэтая барацьба, на жаль, праіграла ў свой час, але атрымала перамогу праз 54 гады - дзякуючы ёй з'явілася Беларуская Народная Рэспубліка.

Без паўстанная Каліноўскага, без гэтай барацьбы не было б, я лічу, БНР. А без БНР не было б Рэспублікі Беларусь.

Справа паўстання працягваецца. Гэтая барацьба супраць акупацыі расейскай імперыі, якая адбылася ў 1795 годзе на беларускіх землях.

Гэтая акупацыя, вынішчэнне ўсяго беларускага цягнецца ўжо больш за 2 стагоддзі і працягваецца сёння. Таму, мы, беларусы, працягваем справу паўстанцаў Каліноўскага і таксама змагаемся. Працягваем гэтую барацьбу за вольную і незалежную Беларусь.

Калі будзем змагацца, тады пераможам!