Урбановіч: «Лукашэнка можа не падключаць беларускіх вайскоўцаў, але ён можа зноў даць зялёны калідор для расейская арміі»

Ці захоўваецца пагроза таго, што лукашэнка ўцягне беларусаў у вайну? Спецыяльным каментаром з tg-каналам «Баста» падзяліўся беларускі дабраахвотнік, баец батальёна «Волат» Палка імя Кастуся Каліноўскага Дзяніс «Ваўкалак» Урбановіч:

— Пагроза ёсць. Ніхто ж не ведаў, што пачнецца вайна і з боку Беларусі ў Ірпень і Бучу зойдуць маскалі. Лукашэнка вінаваты ў гэтым. Гэта ён іх прапусціў.

Я не выключаю, што магчыма будзе яшчэ нейкая фаза, дзе паспрабуюць зрабіць нешта падобнае. Лукашэнка, можа, не падключаць да гэтага беларускіх вайскоўцаў, але ён можа зноў даць зялёны калідор для расейская арміі. Я не выключаю, што Расія можа праводзіць нейкія правакацыі ў бок Беларусі, каб уцягнуць беларускае войска ў вайну. Псіхалогія Лукашэнкі такая - сёння украінцы добрыя, а заўтра ён пойдзе на іх з вайной. Гэта хітры, неадэкватны жук.