INNO innovatsion o‘quv-ishlab chiqarish texnoparkida Italiyaning ROAD (Rome Advanced District) tashkiloti delegatsiyasi bilan uchrashuv bo‘lib o‘tdi. Delegatsiya tarkibidan venchur kapital yo‘nalishi rahbari Paolo Sangalli, Innovation PMO prezidenti Edoardo della Rolle hamda Italiya temir yo‘llari milliy vakili Debora Pimpini o‘rin oldi.
Uchrashuv davomida Italiya delegatsiyasi texnoparkning laboratoriyalari, infratuzilmasi hamda startap loyihalarini qo‘llab-quvvatlash tizimi bilan tanishdi. Muloqot chog‘ida tomonlar universitetlar va ilmiy markazlar o‘rtasida aloqalarni yo‘lga qo‘yish hamda qo‘shma innovatsion loyihalarni amalga oshirish masalalarini muhokama qildilar.
Uchrashuv yakunida innovatsiyalar va texnologiyalar sohasidagi o‘zaro hamkorlikni yanada rivojlantirish bo‘yicha kelishuvga erishildi.
Bizni kuzatib boring: Telegram | Instagram | YouTube