Innovatsion rivojlanish agentligi vakillarining Qoraqalpog‘iston Respublikasiga xizmat safari doirasida hududdagi uchta muhim loyiha faoliyati bilan tanishildi.
Dastlab, Orolbo‘yi xalqaro innovatsiya markazida qurg‘oqchil iqlimda suvni tejaydigan gidroponika usulida mikroko‘katlar yetishtirish loyihasi ko‘zdan kechirildi. Ushbu tashabbus agrotexnologiyalarni tatbiq etish orqali mintaqada oziq-ovqat xavfsizligini ta’minlashga qaratilgan.
Navbatdagi loyiha sifatida, resurs tejamkorligiga asoslangan energiya tejamkor isitish tizimlarini ishlab chiqarish jarayoni tahlil qilindi. Mahalliy sharoitga mos ushbu qurilmalar energiya sarfini kamaytirib, kommunal xizmatlar sifatini yangi bosqichga olib chiqishi kutilmoqda.
Shuningdek, texnologik yangilanishlar bilan parallel ravishda, qoraqalpoq tilidagi ilk “Bookie” elektron audiokutubxonasi faoliyati o‘rganildi. Mazkur platforma hududda madaniy-ma’rifiy sohani raqamlashtirish va milliy adabiyotni zamonaviy formatda ommalashtirishga xizmat qiladi.
Bizni kuzatib boring: Telegram | Instagram| YouTube