Силлено Атырау облысында салынып жатқан болашақ полиэтилен зауыты үшін кадр даярлау жұмыстарын жалғастыруда

Жас мамандарды даярлау білім беру ұйымдарымен серіктестікте жүзеге асырылып келеді. Пилоттық іріктеу 2025 жылы басталды және бүгінде Атырау облысындағы жетекші оқу орындарында — С. Өтебаев атындағы Атырау мұнай және газ университетінде, С. Мұқашев атындағы Атырау жоғары политехникалық колледжінде және APEC PetroTechnic оқу орнында жалғасуда.

Еліміздің жоғары оқу орындарымен ынтымақтастықты кеңейту аясында 15–17 қыркүйек аралығында Силлено компаниясының операциялық блог өкілдері Қазақстан-Британ техникалық университетіне, Satbayev University-ге және әл-Фараби атындағы Қазақ ұлттық университетіне барды. Бұған дейін аталған жоғары оқу орындарымен мұнай-газ химиясы саласына мамандар даярлау бойынша бірлескен жұмысты көздейтін ынтымақтастық туралы меморандумдарға қол қойылған болатын.

Кәсіпорынның болашақ командасының бір бөлігін жоғары оқу орындары мен колледж түлектерінен жасақтау жоспарланып отыр. Ең алдымен техникалық бейіндегі мамандарға — технологиялық қондырғылар операторларына, машинистерге, сондай-ақ жабдықтарды пайдалану, техникалық қызмет көрсету және жөндеу мамандарына сұраныс жоғары болады.

Білім беру ұйымдарымен ынтымақтастық болашақ кандидаттарды іріктеумен ғана шектелмей, оларды кешенді кәсіби даярлауды да қамтиды. Оқу бағытына қарай бағдарлама теориялық дайындықты, мамандандырылған курстарды, практикалық сабақтарды, өндірістік және дипломалды практиканы, тәлімгерлікті, сондай-ақ кәсіпорындарда тағылымдамадан өтуді көздейді.

Жоғары оқу орындары мен колледждермен өзара іс-қимылды дамыту — Силлено компаниясының Қазақстандағы ірі мұнай-газ химиясы жобаларының бірін іске қосуға және одан әрі пайдалануға қатысатын кәсіби мамандарды қалыптастыру жөніндегі ұзақ мерзімді жұмысының бір бөлігі.