𝗦𝗛𝗜𝗔𝗧𝗢𝗢𝗡𝗔𝗔 on Telegram: “Talut əş-Şərukinin Azərbaycanda hicab qadağası i…”

Talut əş-Şərukinin Azərbaycanda hicab qadağası ilə bağlı açıqlaması

Mətnin tam tərcüməsi:

Düşünmürəm ki, qadın hüquqları ilə bağlı iddiaların saxtalığını Azərbaycan hakimiyyətinin etdiyi qədər açıq şəkildə ifşa edən başqa bir hadisə olsun.

Qadın başıaçıq olduqda və istədiyini geyindikdə gecə-gündüz azadlıq şüarları səsləndirir, “Heç kimin qadın üzərində qəyyumluq haqqı yoxdur və heç kimin onun seçimlərinə müdaxilə etməyə haqqı çatmır” deyirlər.

Lakin qadın hicab taxan kimi onların şüarları məhdudiyyətlərə çevrilir, qadının seçim hüququ isə siyasi təhdid məsələsinə, sadəcə onların razı olmadığı dini seçiminə bağlı qaldığı üçün sıxışdırılmasını, hətta təhsildən məhrum edilməsini tələb edən bir məsələyə çevrilir.

Bəs gecə-gündüz qadını və onun hüquqlarını müdafiə etdiklərini söyləyənlər haradadır? Niyə tələb olunan hüquq hicab taxmaq olduqda kar və lal olurlar?

Onların problemi azadlığın pozulduğunu görməmələri deyil. Əksinə, qadının onların istəklərinə zidd seçim etməsini qəbul etməmələridir!

Qadın hicabını çıxardıqda onun səsini eşidirlər, lakin hicabını çıxarmağa məcbur edildikdə səsini eşitmirlər.

Deməli, onların nəzərində qadın istədiyini çıxarmaqda azaddır, lakin istədiyini geyinməkdə azad deyil.

Qadın onların istədiyi kimi düşündüyü müddətdə azaddır. Öz qərarını verib onların istəklərinə zidd seçim etdikdə isə məhdudiyyətlərlə üzləşir.

Bəs qadının hicabını çıxarmaq qərarına hörmət edən, lakin onun hicab taxmaq qərarını əlindən alan bu necə azadlıqdır?!

Ağıldan, ədalətdən, insafdan və mərhəmətdən zərrə qədər payı olan dövlət öz vətəndaşlarından sədaqətlərini sübut etmək üçün inanclarından imtina etməyi tələb etməz və cəmiyyətə inteqrasiya etməyin şərti kimi baş örtüyünü çıxarmağı irəli sürməz.

Məhz burada İsrail layihəsinin və onun müttəfiqlərinin (o cümlədən Azərbaycanın) əsl mahiyyəti üzə çıxır.

Onlar azad insan istəmirlər. Əksinə, kimliyi əlindən alınmış, onların iradəsinə tabe olan insan istəyirlər.

Onların istəklərinə uyğun gələn hər şeyə azadlıq adı verilir. Onların layihələrinə zidd olan hər şey isə gerilik adlandırılır və onu zorla aradan qaldırmağa çalışırlar!

Talut əş-Şəruki (طالوت الشروكي)

14 oktyabr 2026-cı il 2 Cəmadiyəl-əvvəl, 1448-ci hicri il