Mirtofiq Hüseynova cinayət işi açılıb
İki gün öncə yaşadığı evin yaxınlığında bir neçə mülki geyimli şəxs tərəfindən saxlanılaraq naməlum istiqamətə aparılan Mirtofiq Hüseynov barədə ailəsi məlumat əldə edə bilib.
Məlumata görə, Mirtofiq Hüseynov Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılıb və oktyabrın 6-da Nərimanov Rayon Məhkəməsində hakim qarşısına çıxarılıb.
O, Cinayət Məcəlləsinin 234.4.3-cü maddəsi — satış məqsədi ilə qanunsuz olaraq narkotik vasitələri və ya psixotrop maddələri külli miqdarda əldə etmə, saxlama, daşıma, göndərmə və ya satma — ilə istintaqa cəlb olunub.
Bu gün M. Hüseynov 1 saylı İstintaq Təcridxanasına köçürülüb.
Xatırladaq ki, Müsəlman Birliyi Hərəkatının üzvü Hüseynov Mirtofiq Mircəlal oğlu 2025-ci il dekabrın 6-da 3 illik həbs cəzasını başa vuraraq azadlığa çıxmışdı. O, 2022-ci il dekabrın 6-da inanclıların kütləvi həbslərinin həyata keçirildiyi bir vaxtda saxlanılmışdı.

➡️MBH Media