🔠Azərbaycan və Böyük Britaniya rəqəmsal inkişaf, süni intellekt və kibertəhlükəsizlik sahəsində əməkdaşlığın genişləndirilməsi məsələlərini müzakirə ediblər.

Bu barədə Azərbaycanın rəqəmsal inkişaf və nəqliyyat naziri Rəşad Nəbiyev “X” sosial şəbəkəsində Böyük Britaniyanın ticarət üzrə dövlət naziri Lord Anas Sərvar ilə danışıqlardan sonra yazıb.

“Biz ölkələrimiz arasında strateji tərəfdaşlığın inkişaf etdirilməsi, xüsusilə nəqliyyat, rəqəmsal inkişaf, süni intellekt və kibertəhlükəsizlik sahələrində əməkdaşlığın genişləndirilməsi məsələlərini müzakirə etdik. Nəqliyyat və rəqəmsal inkişaf sahəsində əməkdaşlığa dair Yol Xəritəsi ilə birlikdə Anlaşma Memorandumu imzaladıq və Nazirlikdə nəzərdə tutulmayan tədbirlərin icrası üçün Birgə İşçi Qrupun yaradılması barədə razılığa gəldik”.

Nəbiyev nəqliyyat infrastrukturunun inkişafı, prioritet layihələrin maliyyələşdirilməsi imkanları ətrafında da fikir mübadiləsi aparıldığını vurğulayıb.

➡️Geosiyasi və regional xəbərləri 🇦🇿 Qızılbaş TV də izləyin