Зынаргъ дзæуджыхъæуккæгтæ!

Зæрдæбынæй уын арфæ кæнын Ирон æвзаг æмæ литературæйы бæрæгбоны фæдыл мæхи æмæ Дзæджыхъæуы Минæвæртты æмбырды депутатты номæй.

Æвзаг у нæ монон культурæйы бындур, нæ уидаг.
Уыдоныл къух сисæн нæй, уымæн æмæ адæймаг æнæ уидæгтæй у æдзæллаг.
Ирон æвзаг у нæ иумæйаг хæзна. Нæ хæс у уыцы хæзна бахъахъхъæнын нæ фидæны фæлтæртæн.

Хетæгкаты Къоста, Гæдиаты Секъа, Гуырдзыбеты Бласка, Токаты Алихан, Кочысаты Розæйы уацмыстæ ахуыр кæнынц æхсарыл, куырыхондзинадыл, Фыдыбæстæ уарзыныл.
Се ‘ппæты ранымайынæн нын бахъæудзæн бирæ рæстæг.
Æппæт дунейы лингвисттæ цымыдисæй ахуыр кæнынц ирон æвзаг – скифтæ-сæрмæттæ-аланты культурæйы байзæддæтты æвзаг.

Ацы бæрæгбон æрбангом кæны æппæт Ирыстоны адæм, кадимæ йыл æмбæлынц нæ республикæйы алы къуымы дæр. Махæн уæлдай хатт нæ зæрдыл æрлæууын кæны стыр бæрнондзинад нæ мадæлон æвзаг бахъахъхъæнын æмæ рæзын кæныны хъуыддаджы.

Бæрæгбоны хорзæх уæ уæд! Дзурут, уарзут уæ мадæлон æвзаг!