🌱 Ishtixonda organik qoldiqlardan biochar tayyorlash amaliyoti

📍 Samarqand viloyati Agroxizmatlar markazi Ishtixon tumani bosh mutaxassisi S. Muzropov tomonidan fermer xo‘jaliklari bilan birgalikda organik xomashyolardan biochar (bioko‘mir) olish bo‘yicha amaliy jarayon tashkil etildi.

♻️ Jarayon davomida qishloq xo‘jaligi qoldiqlarini qayta ishlash, ulardan samarali foydalanish va tuproq unumdorligini oshirishga xizmat qiluvchi mahsulot olish imkoniyatlari namoyish etildi.
🌱 Biochar (bioko‘mir)ning foydasi:

• 💧 Tuproqda namlikni uzoqroq saqlashga yordam beradi.
• 🌾 O‘simlik uchun zarur oziqa moddalarini tuproqda ushlab turishga ko‘maklashadi.
• 🌱 Tuproqning tuzilishini yaxshilaydi va yumshatishga yordam beradi.
• ♻️ Organik qoldiqlarni tashlab yubormasdan, foydali mahsulotga aylantirish imkonini beradi.
• 🌿 Tuproqdagi organik modda miqdorini oshirishga xizmat qiladi.

✅ Mazkur yo‘nalishdagi amaliy ishlar xo‘jaliklarda mavjud resurslardan unumli foydalanish va ekologik jihatdan samarali agrotexnologiyalarni ommalashtirishga xizmat qiladi.