Янги вазирлик эски хатоларни такрорламаслиги керак

Октябрда мактабгача ва мактаб таълими тизими олий таълим, фан ва инновациялар тизими билан бирлаштирилиб, Таълим ва илм-фан вазирлиги ташкил этилди. Ташкилий тузилманинг ўзгариши ахборот сиёсатида ҳам янги ёндашув учун имконият яратади.

Янги вазирликнинг ахборот хизмати аввалги тизимдаги муаммоларни таҳлил қилиши ва уларни такрорламаслиги керак. Бунинг учун ахборот хизмати раҳбариятига аниқ вазифалар ва ўлчанадиган натижа кўрсаткичлари белгиланиши лозим.

Биринчидан, журналистлар сўровлари ва танқидий материаллар бўйича ягона ҳисоб юритилиши керак. Иккинчидан, ҳар бир жиддий муаммо бўйича масъул бўлинма, кўриб чиқиш ҳолати ва натижа белгиланиши зарур. Учинчидан, ҳудудий бошқармалар матбуот котибларининг фаолияти фақат ижобий хабарлар сони билан эмас, жамоатчилик билан мулоқот сифати билан ҳам баҳоланиши шарт.

Энг муҳими, матбуот хизмати раҳбарни танқиддан ҳимоя қилиш воситасига айланиб қолмаслиги керак. У раҳбарга жамиятда қандай муаммолар борлигини кўрсатиши, ташкилотга эса ўз хатоларини тузатиш имконини бериши лозим.

Давоми 👇

✅ @Samarqand_live – Юзинг қийшиқ бўлса ойнадан ўпкалама!