Бука барыгытын Сунтаар улууһа сурукка-бичиккэ киирбитэ 225 сылын туолбут үбүлүөйдээх күнүнэн Сунтаар улууһун дьаһалтатын, улуус депутаттарын Сэбиэтин уонна тус бэйэбит ааппытыттан итиитик-истиҥник эҕэрдэлиибит!
Өбүгэбит ытык сирэ, олоҥхобут биһигэ буолбут Сунтаар улууһа өрөспүүбүлүкэбит биир бөдөҥ, социальнай-экономическай өттүнэн сайдыылаах, култуура уонна спорт киинэ буолар. Сүүһүнэн сыллар тухары биһиги өбүгэлэрбит үтүө үгэстэрин чөлгө тутан, айылҕа маанылаах сиригэр айа-тута, сайда үүнэ олоробут.
Сунтаар улууһа айылҕаттан бэриллибит сиртэн хостонор баайдаах, ураты куттаах сир. Арассыыйа историятыгар 1949 сыллаахха Сунтаар улууһун Кириэстээх нэһилиэгин чугаһыгар Соколиная арыытыттан аан маҥнай 22 алмаас таас кыырпахтара булуллубуттара бэлиэтэнэр. Улуус территориятыгар таас чох, цеолит уонна туус сиртэн хостонор араас баайдаах.
Сунтаар бэйэтин устуоруйатынан, култууратынан уонна дьонунан киэн туттар өрүттэрэ элбэх. Ол курдук бырамыысыланнас, аныгы технология сайдар кэмигэр Сунтаар улууһа култуура сайдыытын сабыдыалын үрдүк таһымҥа тутан, сайыннаран, төрүт үгэһин ыһыктыбакка билиҥҥи кэмҥэ илдьэ кэлбит оройуонунан биллэр.
Сунтаар улууһа саха төрүт култууратын, уран тылын уонна оһуохай үҥкүүтүн үйэтитэр сүрүн киин буолар. Сунтаардар бэйэлэригэр эрэ баар ураты оһуорунан-бичигинэн, мас уонна көмүс оҥоһуктарынан, сахалыы мааны симэхтэринэн аатыраллар. Үйэлэри туораан кэлбит үтүө үгэспитин, Саха норуотун киэн туттуутун, биир истиҥ-иһирэх, уйгуну-быйаҥы түстүүр кэрэ кэммитин уруйдуу - Улуу тунах ыһыаҕы сылын ахсын ыытабыт.
Сунтаар сирэ Социалистическай Үлэ Геройдарынан – П.Х Староватов, П.В. Гуляев, Г.Т. Семенов, Г.Е. Бессонов, Д.Г.Андреев, РФ Үлэ Геройа В.А. Михайлов, анал байыаннай дьайыыга Ийэ дойдуларын чиэстээхтик көмүскээбит Россия Геройдара Д.Н. Егоров, Ф.А. Евсеев, саха норуотун улуу ырыаһыта, олоҥхоһута уонна үҥкүүһүтэ С.А. Зверев-Кыыл Уолун, үгүс ахсааннаах маһы, тимири ыллаппат эрэ уустарын, талааннаах тарбахтаах иистэнньэҥнэрин, норуот талааннаахтарын, Павлов В.Г., К.Е. Иванов, А.К. Акимов, М.Н. Евсеев курдук биллэр судаарыстыбаннай уонна уопсастыбаннай диэйэтэллэр, суруйааччылар, поэттар уонна спортсменнар ааттарынан киэн туттар.
Бүгүҥҥү күҥҥэ Сунтаар улууһун социальнай экономическай туруга уонна кыаҕа киэҥ. Тыа хаһаайыстыбата, бырамыысыланнас, дьиэ уот уонна суол тутуута тэтимнээхтик сайдар. Тыа сирин тупсаҕай оҥоруу, дьиэ-уот коммунальнай өҥөтүнэн сөптөөхтүк хааччыйыы, нэһилиэнньэ доруобуйатын туруга, ыччат үөрэҕи ылыыта, култуура төрүт үгэстэрин чөл хаалларыы, онтон да элбэх тыын суолталаах боппуруостарга улууска сөптөөх үлэ бара турар. Биһиги улууспут Саха сирин бырамыысыланнас сайдыбыт арҕаа оройуоннарын Мииринэй, Ньурба уонна Лиэнискэй куораттарын кытта ыкса сытар буолан бэйэ оҥорон таһаарар бородууксуйаны батарыыга инники кэскиллээх.
Билигин аҕа көлүөнэ чаҕылхай ситиһиилэринэн ситимнэнэн, бүгүҥҥү бөҕө туруктаах олохпут акылаата оҥостон, улууспут инники кэскилин кэлимник сибээстээн Сунтаар улууһун өссө эбии хаҥата, сайыннара, туругурда туруохпут.
Бу бэлиэ күн улуус хас биирдии ыалыгар, олохтооҕор үөрүүнү, киэн туттууну уонна саҥа кыайыыларга кынаттааһыны аҕаллын! Эһиэхэ барыгытыга
Сунтарский улус отмечает 225-летие со дня первого письменного упоминания. Жителей поздравили глава района Анатолий Григорьев и председатель районного Совета депутатов Ульяна Попова.
В поздравлении отмечается, что Сунтарский улус богат природными ресурсами, историей и культурными традициями. Именно возле села Крестях в 1949 году были обнаружены первые алмазы в Якутии. Район также известен своими традициями олонхо, осуохая, народных промыслов и ежегодным праздником Ысыах Туймаады.
Особое внимание уделено известным уроженцам района — Героям труда и России, деятелям культуры, мастерам, писателям, спортсменам и общественным деятелям.
Сегодня в улусе развиваются сельское хозяйство, промышленность, строительство и инфраструктура. Власти пожелали жителям здоровья, благополучия и новых достижений, а Сунтарскому улусу — дальнейшего развития и процветания.