Укытучы булу – ул баланың сәләтен күрә белү, аңа үз көченә ышанырга ярдәм итү һәм кызыксынуын үстерү.
Сез һәр дәрестә балаларга белем, илһам һәм иҗатка мөмкинлек бирәсез. Һәр сабыйга карата игътибарыгыз, җылы сүзләрегез һәм хезмәтегез өчен зур рәхмәт!
Укытучылар көне белән! 🤍
Сезгә илһам, яңа идеяләр һәм эшегездә уңышлар телибез!
Без юлларга чыктык кына,
Күңелдә якты теләк.
Иң дөрес, иң туры юлны
Сайлашырга сез кирәк.
Алда көрәшләр дә булыр,
Югалып калсак кинәт -
Егылганда тоынырга ,
Көч бирергә сез кирәк.
Сүнгән чакта өметебез,
Калмаган чакта терәк
Күз яшьләрен сөртә-сөртә
Юатырга сез кирәк.
Боекмас өчен күңелләр,
Кимсенмәс өчен йөрәк -
Сез кирәк, укытучылар,
Безгә һәрчак сез кирәк.
・Фәнис Яруллин