სპეციალური პენიტენციური სამსახური მსჯავრდებულ რეზო კიკნაძის მიერ გავრცელებულ ინფორმაციას სრულ სიცრუეს უწოდებს და განმარტავს, რომ მსჯავრდებულს სატელეფონო კომუნიკაციაზე არანაირი შეზღუდვა არ აქვს და დაუბრკოლებლად შეუძლია სატელეფონო ზარების განხორციელება ნებისმიერ ნომერზე. უწყებაში ასევე აღნიშნეს, რომ მსჯავრდებულს შეუძლია გამოითხოვოს და გაასაჯაროოს მისი სატელეფონო საუბრების ამონაწერი, საიდანაც ნათლად გამოჩნდება, როდის აქვს ბოლოს სატელეფონო ზარი განხორციელებული. ინფორმაციისთვის, N 8 პენიტენციური დაწესებულების მსჯავრდებულმა რეზო კიკნაძემ სოციალურ ქსელში დაწერა, რომ მას სატელეფონო ზარების განხორციელება შეუზღუდეს.

🔗 rustavi2.ge | Facebook | YouTube | Instagram