თორნიკე მოლაშვილი სააკაშვილს პასუხობს:

"არ ვუპასუხებდი ამ შიზოიდს, უთვისტომო და უშინაარსო ადამიანის მსგავს წარმონაქმნს სერიოზულად, მაგრამ ხანდახან მეც მომერევა ხოლმე სიბრაზე და და ბევრი რამ მახსენდება წარსულიდან.

ზის მშვენივრად გარემონტებულ საკანში, კარგს ჭამს და სვამს, პაემნები არ აკლია, ზარები, ინფორმაცია, ადვოკატები, გაგრილება და გათბობა. სქროლავს, პოსტავს, გვაგინებს, გვალნძღავს და გვემუქრება.

დიახ, ასეთი დემოკრატია ავაშენეთ ამ ქვეყანაში და ასეთ დონეზეა დაცული ყველას უფლება. დავწერდი, ადამიანის უფლებები მეთქი, მაგრამ ეს ხომ ადამიანი არ არის - როგორც თავში აღვნიშნე, უთვისტომო და უშინაარსო მანქურთია...

არადა, ამ დროს ამ მანქურთმა სულ სხვა რამ დაიმსახურა. დაიმსახურა ისეთი მოპყრობა ციხეში, როგორც სულხან მოლაშვილს ეპყრობოდნენ მისი დავალებით. დაიმსახურა ისეთი მოპყრობა, როგორც ზოგადად, მისი ჯალათები ექცეოდნენ პატიმრებს. ისეთი ბოლოც დაიმსახურა, როგორც სულხანს დაასრულებინეს სიცოცხლე მისი ბრძანებით და როგორც ბევრს, უდანაშაულოს...

🔗 rustavi2.ge | Facebook | YouTube | Instagram