🗓 11 августа 1378 года в Рязанском княжестве на реке Воже русское войско великого князя Дмитрия Ивановича (Донского) разгромило ордынское войско под командованием мурзы Бегича.

✅ Основными источниками о Вожской битве являются помянник «избиенным от безбожных татар на Вожи», сохранившийся в составе древнерусских пергаменных списков Вселенских синодиков XV–XVI вв., а также летописная повесть о битве на реке Вожа. Древнейшая редакция повести читается в составе Троицкой летописи и Симеоновской летописи, а также в Рогожском летописце.

✅ Из Повести о битве на реке Воже (список Симеоновской летописи первой половины XVI в. — БАН, 16.8.25.): "О побоищи на рѣцѣ на Вожѣ в Рязанской земли. Въ лѣто 6886. <...> Того же лѣта ординский князь, поганый Мамай, събравъ воя многы и посла Бѣгича ратью на князя великаго Дмитрея Ивановичя и на всю землю Русскую. Се же слышав, князь великий Дмитрей Иванович събравъ воя многы и поиде противу их в силѣ тяжцѣ. И, переѣхавъ за Оку, вниде в землю Рязаньскую и срѣтошася с татары у рѣки у Вожи, и стояху, промежу собою рѣку имуще. Не по мнозѣх же днех татарове переѣхаша на сю сторону и, удариша в кони свои, и скочиша вборзѣ и, нюкнуша гласы своими, и поидоша на грунах и ткнуша на наших. И удари на них: съ едину сторону Тимофѣй околничий, а съ другую сторону князь Данилей Пронскый, а князь великий удари в лице. Татарове же в том часѣ повергоша копья своя и побѣгоша за рѣку за Вожю, а наши послѣ за ними бьючи их, и сѣкучи, и колючи, и убиша их множество, а инии в рѣцѣ истопоша. А се имена избитых князей: Хазибѣй, Коверга, Карабулукъ, Костровъ, Бѣгичка. По сих же приспѣ вечеръ, и заиде солнце, и смерьчеся свѣтъ, и наста нощь, и бысть тма, и нелзѣ бяше гнатися за ними за рѣку. А на завьтрее бысть мъгла велми велика. А татарове тако и побѣгоша еще сущи с вечера и чрес всю нощь бѣжаху. Князь же великий на заутрие уже перед обѣдом поиде за ними слѣдом ихъ, и погнаша их убѣжавших далече. Обрѣтоша бо в полѣ повержены дворы их, и шатры их, и вежи их, и юртовища их, и алачюгы, и тѣлѣги их, а в них товаръ безчислен весь пометанъ. А самѣх не обрѣтоша — бяху бо побѣжали к Ордѣ. Князь же великий Дмитрей възвратися оттуду на Москву с побѣдою великою и рати роспусти съ многою корыстью. Тогда убьенъ бысть Дмитрей Монастыревъ да Назаръ Даниловъ Кусакова. Се бысть побоище прилучися мѣсяца августа 11 день, на память святаго мученика Еупла диакона, въ среду при вечере. И поможе Богъ князю великому Дмитрею Ивановичю, одолѣ ратным и побѣди врагы своя, и прогна поганых татаръ. И посрамлени быша окааннии половци, възвратишася съ студом, без успѣха, нечестивии измалтяне, побѣгоша гоними гнѣвом Божиим! Прибѣгоша в Орду къ своему царю, паче же къ пославшему Мамаю, понеже царь их, иже в то время имѣаху себе, не владѣаше ничимже и не смѣаше ничтоже сътворити пред Мамаем, но всяко старѣйшиньство съдержаше Мамай и всѣми владѣаше в Ордѣ. Видѣв же Мамай изнеможение дружины своея, прибѣгшее к нему, а иныя избиты князи, и велможи, и алпауты, и многыя воя своя изгибша. И разгнѣва же ся зѣло Мамай и възъярися злобою. И тоя же осени, събравъ останочьную силу свою и съвъкупи воя многы, поиде ратью въборзѣ, без вести, изгономъ на Рязанскую землю. А князь великий Олегъ не приготовился бѣ и не сталъ противу их на бой, но выбѣжали из своея земля, а град свой поверже и пребѣжа за Оку рѣку. Татарове же пришедше и град Переяславль и прочии грады взяша и огнем пожгоша, и волости и села повоеваша, а людей много посѣкоша, а иныя в полонъ поведоша, и възвратишася въ страну свою, много зла сътворивше земли Рязанской.".