2025 жылғы 3 желтоқсанда «Росатом Құрылыc Технологиялары» (РТС) және ҚР Ядролық физика институты өзара түсіністік туралы меморандумға қол қойды. Құжат елдегі көпмақсатты зерттеу реакторын құру мәселелері бойынша өзара іс-қимылды көздейді.
Меморандум нені бекітеді:
— Қазақстанда көпмақсатты зерттеу реакторы мен зертханалар кешені жобасын бірлесіп пысықтау;
— бейбіт атом саласындағы ынтымақтастықты кеңейту.
Қол қою рәсімі ҚР Атомдық энергия агенттігінің қолдауымен Алматыда Ядролық физика институты базасында өткен сарапшылар мен ғылыми қауымдастыққа арналған техникалық семинар аясында өтті.
Негізгі мәлімдемелер:
Алмасадам Сәтқалиев, ҚР Атом энергиясы жөніндегі агенттігінің төрағасы:
«Ядролық физика институтында зерттеу реакторын салу, сондай-ақ Ұлттық ядролық орталықтағы ұқсас жобаны іске асыру – заманауи технологияларды дамыту, кадрлар даярлау және ғылыми-өндірістік мүмкіндіктерді кеңейту жолындағы маңызды қадам. Қазақстан әртүрлі технологиялық шешімдерге ашық және әлемдік тәжірибені ескере отырып, ең оңтайлы конфигурацияларды қарастыруға дайын».
Илья Вергизаев, «РТС» ЖШС бас директоры:
«Елде зерттеу реакторын және Ядролық ғылым мен технологиялар орталығын (ЯҒТO) құру жобалары атом саласы үшін мамандар даярлау мен ғылыми-өндірістік базаны кеңейту сияқты бірқатар маңызды міндеттерді шешуге мүмкіндік береді».
РТС компаниясы туралы:
РТС – «Росатомның» негізгі дивизиондарының бірі, медицина, ғылым және өнеркәсіп объектілерін жобалау және салуға маманданған.
Компанияның құрамында зерттеу реакторлары мен зертханаларды қамтитын Ядролық ғылым мен технологиялар орталықтарын (ЯҒТO) құруда ауқымды тәжірибесі бар.
👌 Росатом Центральная Азия