Ораза Байрам

Рамазан айы озды,
Ораза Байрам келди.
Мусылманнынъ юреги,
Суьйинишлерге толды.

Аллах бизди сынады,
Бу куьнге де еткерди.
Аллаху Акбар  биз деймиз,
Тек Онага сенемиз.

Намаз этип мешитте,
Таравихте катнадык,
Закят берип, садака,
Иманлыкты беркиттик.

Бир ай терен ойландык,
Китаб-Коран окыдык.
Фаджрден биз Магрибке,
Асты, сувды ишпедик.

Сыпырады толтырып,
Туьрли-туьрли асларга.
Конакларды шакырып,
Суьйгемиз сыйламага.

Энъ аьруьв кийим кийип,
Эр мусылман юреди.
Ямагатпан мешитке,
Мырад салып келеди.

Тилеклери Кудайга,
Аьр аьдемнинъ етеди.
Ыслаганды Ораза,
Аллах сынап биледи.

Сол байрамман кутлаймыз,
Мырадынъыз коьп толсынь!
Берекетти йораймыз,
Юреклерде Дин болсын!

https://t.me/Rizvan_Kubakaev