Э.Палкин
Чын сӱӱп билетен болзобыс…

Јӱрӱмди чын сӱӱп билетен болзобыс,
Јӱрӱмдӱ, јӱрӱмдӱ болор эдибис.
Ак-чек, ак-чек, ару јӱрзебис,
А, кандый јаан јӱрӱм кӧрӧрис!

Бойы-бойысты тоойтон болзобыс,
Болбогон ырысты бойыстаҥ табарыс.
Кижидеҥ кижи кӱн кӧрӱп јӱрзе,
Кижи болуп ол бойы ӧзӧр.

Болужы јeдип јӱрген кööркийде -
Бойын карытпас, астабас ийде.
Ийделӱ кижи качан да ак-чек,
Ижисте, јӱрӱмде сӱӱндирер чечек.

Јӱрӱм сӱрекей телкем-телкем.
Јӱзӱн ырысту, ондый ол, экем.
Јӱректе мындый ийде јoк болзо,
Јӱрӱмиҥ кыска, јӱдек ле бозом.

Кижидеҥ озо ӧштӱни кӧрӧдис,
Кирелеп, бактырып ийерге турадыс.
Јaкшыны исте, јaкшы бол, нӧкӧp.
Јаҥыс ол - јaaн јол, öткӱн, чын кӧр.
Једикпестериҥди ӧштӱ деп танызаҥ,
Јep јapык сегe, јeҥӱгe јазан.