📚 У Беластоку адбудзецца Ноч кнігарняў — штогадовая агульнапольская акцыя, якая аб’ядноўвае аматараў літаратуры, пісьменнікаў і кніжнікаў.

📚 Беластоцкая праграма запрашае чытачоў на сустрэчу з беларускімі літаратарамі. Удзел у мерапрыемстве возьмуць Валянціна Аксак, Міхал Андрасюк, Алесь Аркуш, Уладзімір Арлоў, Кацярына Ваданосава, Ігар Палынскі і Андрэй Сцепанюк.

🔻 Сустрэча адбудзецца ў будынку Цэнтра беларускай культуры ў Беластоку па адрасе: вуліца Варшаўская, 1А. Мерапрыемства працягнецца з 20:00 да 22:00.

📚 Ноч кнігарняў — нагода не толькі пазнаёміцца з творчасцю аўтараў, але і пагутарыць з імі асабіста, пачуць жывыя выступы і адчуць атмасферу літаратурнай супольнасці.