Press Club Belarus

Вакансія! Радыё Свабода шукае журналіста-расследавальніка ў рускамоўную каманду ў Рызе 

Што будзеце рабіць:

➖ ініцыяваць, рыхтаваць і рэдагаваць журналісцкія расследаванні,
➖ працаваць з крыніцамі, базамі даных, інструментамі OSINT і іншымі лічбавымі рэсурсамі;
➖ ствараць кантэнт у розных фарматах (тэкставы, мультымедыйны, прамыя эфіры, блогі, падкасты, допісы для сацсетак, фота і відэа),
➖ праводзіць інтэрв’ю дыстанцыйна або на месцы падзеяў,
➖ правяраць расследаванні калег на фактычную дакладнасць,
➖ пры неабходнасці прадстаўляць RFE у прафесійных колах.

Чаго чакаюць ад кандыдатаў:

〰️ значнага досведу ў журналістыцы расследаванняў, 
〰️ досведу працы з базамі даных, OSINT-платформамі і метадамі лічбавых даследаванняў;
〰️ глыбокай экспертызы ў авіяцыі, марскіх перавозках, транспарце і лагістыцы, геалакацыі, спадарожнікавых здымках і геапрасторавым аналізе, прафіляванні асобаў, картаграфаванні сетак і журналістыцы даных.
〰️ валодання рускай і англійскай мовамі.

🔖 Дэталі па спасылцы

Выява — Радыё Свабода

З Днём народзінаў TUT.BY! Сёння легендарнаму беларускаму медыя магло б споўніцца 26 гадоў

«Упершыню за доўгі час мы ўзгадваем гэтую дату на волі. Рэфлекс нікуды не знік. Раніцай па-ранейшаму рукі цягнуцца набраць TUT.B⁠Y у радку браўзера. Старонка недаступная. Але гэта не значыць, што TUT.B⁠Y больш няма. TUT.B⁠Y ёсць, таму што ён у кожным з нас і ў кожным з нашых чытачоў, для якіх мы працавалі ўвесь гэты час», — піша Марына Золатава ў сваім Telegram-канале.

Каманда Press Club Belarus віншуе былую рэдакцыю з памятнай датай 💌

Выява — канал Марыны Золатавай

€12,000 для фотажурналістаў. Конкурс гуманітарнай фатаграфіі імя Луіса Вальтуэньі

📷 Мэта конкурсу — адзначыць здымкі, якія дэманструюць сацыяльную няроўнасць, несправядлівасць або парушэнні правоў чалавека. А таксама сітуацыі, што спрыяюць гэтаму ці, наадварот, змагаюцца супраць.

Пераможца атрымае €6,000, астатнія грошы размяркуюць паміж фіналістамі.

Лепшыя працы будуць прадстаўлены на выставе, якую зладзіць іспанскае аддзяленне Médicos del Mundo.

🥂 Арганізатар пакрые выдаткі на праезд і пражыванне для выбраных удзельнікаў, каб яны маглі прысутнічаць на цырымоніі ўзнагароджання і адкрыцці выставы.

🗓 Дэдлайн падачы заявак — 11 кастрычніка.

Падрабязнасці па спасылцы.

Выява — Enrique Pimoulier

Заўтра дэдлайн! DW Akademie шукае даследчыкаў для новай справаздачы пра стан развіцця медыя

📃 Даследаванне засяродзіцца на выкліках і перспектывах для арганізацый, якія займаюцца развіццём медыя. Фокус — ўплыў ШІ, геапалітыкі і патрэба ў адвакацыйнай працы ў медыяіндустрыі.

Праект запатрабуе 2 тыдні часу, а рэалізаваць яго трэба будзе працягам трох месяцаў. Шукаюць людзей, якія змогуць:

➖ правесці, транскрыбіраваць і прааналізаваць інтэрв’ю з крыніцамі;
➖ падрыхтаваць кейс-стадзі па асобных прыкладах;  
➖ падтрымаць правядзенне апытанняў;
➖ распаўсюдзіць вынікі даследавання і іншае.

Арганізатары адзначаюць, што выкарыстанне ШІ будзе магчыма толькі ў закрытым асяроддзі.

Падрабязнасці па спасылцы

Выява — DW

28 верасня — сесія пра стажыроўкі ў ЕЗ з MOST IV

Праграма Mobility Scheme for Belarusian Professionals садзейнічае стажыроўкам ў краінах Еўразвязу для беларускіх журналістаў. Ініцыятыва падтрымлівае прафесіяналаў, якія жывуць у краіне і за яе межамі.

Мэта — дапамагчы развіць навыкі і наладзіць партнёрствы.

Арганізатары плануюць тры інфасесіі:

🔺28 верасня (панядзелак)
🔺22 кастрычніка (чацвер)
🔺24 лістапада (аўторак)

Усе пачнуцца а 19:00 па Мінску і працягнуцца 45 хвілін.

Зарэгістравацца на адну ці некалькі сесій можна па спасылцы.

Пачалі прымаць заяўкі на конкурс Free Press Awards 2026

У гэтым годзе ўзнагароды будуць выдаваць у дзвюх катэгорыях:

🖊«Дэбютантам года» абяруць журналіста з максімум 4 гадамі досведу. Пераможца атрымае стыпендыю на навучанне, прычым сам зможа выбраць, якую менавіта магчымасць выкарыстаць.
🖊«Самым устойлівым журналістам» стане прафесіянал, які працуе ў складаных абставінах. Яму выдадуць грашовую прэмію.

Намінаваць сябе нельга. Але кандыдат павінен пагадзіцца на тое, каб яго заяўку падалі. Арганізатары раяць дасылаць мінімум тры працы на аднаго аўтара.

🗓 Дэдлайн падачы заявак — 16 кастрычніка 2026.

Падрабязнасці — тут.

€5,000 на навучанне для медыя. Еўрапейскі цэнтр прэсы і свабоды медыя прафінансуе трэнінгі для рэдакцый

🧑‍💻 Цэнтр можа аплаціць курсы па псіхічнаму здароўю, фізічнай ці лічбавай бяспецы, развіцці журналісцкіх навыкаў ці іншыя праграмы, якія палепшаць працу рэдакцый і ўмацуюць іх аператыўныя магчымасці.

Перавагу аддадуць выданням, якія сутыкаюцца са значнымі фінансавымі, лагістычнымі, прававымі выклікамі.

📃 У заяўцы трэба распавесці пра медыя, мэту і актуальнасць навучання, скласці дэталёвы бюджэт.

Навучанне трэба правесці да 30 снежня 2026 года.

🗓 Дэдлайн падачы заяўкі — 30 верасня 2026.

📌 Падрабязнасці — па спасылцы.

💸 Стыпендыя $10,000 для журналістаў, якія пішуць пра тэхналогіі

Tech Policy Press падтрымлівае аўтараў, якія даследуюць тэмы на скрыжаванні тэхналогій і дэмакратыі: кіраванне штучным інтэлектам, лічбавыя правы, перапляценне дзяржаўнай і карпаратыўнай улады і г.д.

🗓 Гадавая стажыроўка пачнецца ў студзені 2027.

Ад кандыдатаў чакаюць досведу і экспертызы ў канкрэтнай галіне або праблеме тэхналагічнай палітыкі.

Падчас стажыроўкі вы будзеце:

🔺 Пісаць матэрыялы мінімум раз на месяц: кожны ўдзельнік павінен дакладна сфармуляваць абраную тэму і абгрунтаваць сваю кампетэнтнасць у яе асвятленні.
🔺 Наведваць абавязковую штомесячную анлайн-сустрэчу ўдзельнікаў. А таксама штомесячную сустрэчу з рэдакцыяй.
🔺 Супрацоўнічаць з іншымі ўдзельнікамі праграмы і камандай Tech Policy Press.

Падацца на стыпендыю

Вакансія! Беларускі расследавальніцкі цэнтр шукае журналістаў на стажыроўку з магчымасцю працаўладкавання

Што будзеце рабіць:

▪️удзельнічаць у падрыхтоўцы расследванняў;
▪️рабіць OSINT-даследванні;
▪️шукаць і аналізаваць дадзеныя ў спецыялізаваных базах;
▪️разбірацца ў фінансавых і мытных дакументах;
▪️шукаць герояў і экспертаў.

Чаго чакаюць:

➖досведу ў стварэнні лонгрыдаў і аналітычных матэрыялаў;
➖умення працаваць з вялікім аб’ёмам дадзеных;
➖разумення фінансавай і карпаратыўнай справаздачнасці;
➖граматнасці ў беларускай і рускай; англійскай не ніжэй за B1;
➖крытычнага мыслення. 

Што прапануюць:

▪️ навучанне метадалогіі БРЦ па стварэнні расследаванняў, доступ да ўнутраных гайдаў, падтрымку рэдактараў;
▪️ удзел у рэзанансных расследаваннях;
▪️ навучанне і суправаджэнне па лічбавай бяспецы і абароне крыніц;
▪️ стабільную зарплату.

Каб падацца, дашліце рэзюме, прыклады прац і матывацыйны ліст на yana@investigatebel.org

📲 Сёння апошні дзень падачы заявак на бясплатны курс па журналістыцы ў Варшаве

«Журфак па суботах» — гэта афлайн-навучанне, якое пройдзе ў Варшаве і Вільні.

Праграма для пачаткоўцаў ці тых, хто ўжо мае досвед, але хоча падцягнуць матчастку, а таксама тых, хто займаецца сумежнымі задачамі і хоча змяніць ролю ў рэдакцыі.

Курс склала выбітная ўкраінская журналістка Каця Гарчынская. Выкладаць будуць беларускія медыяпрафесіяналы. Падчас навучання вы будзеце ствараць матэрыялы для беларускіх рэдакцый, працаваць з крыніцамі, шукаць ідэі і прыстасоўваць ШІ.

Праграма будзе працягвацца 10 суботаў.

📍У Варшаве – з 3 кастрычніка па 5 снежня. Падай заяўку да 11 верасня.
📍У Вільнюсе – з 10 кастрычніка па 12 снежня. Падай заяўку да 18 верасня.

Выява — Unsplash

📸 Гранты і камера для фатографаў. Дэдлайн 30 верасня

Lucie Foundation падтрымлівае фотапрафесіяналаў, якія працуюць у дакументалістыцы, журналістыцы, а таксама выяўленчым мастацтве.

💲Прапануюць два гранты: $3000 – для прафесіяналаў, $1000 – для пачаткоўцаў; апошнія дадаткова атрымаюць камеру і аб'ектыў.

Каб падацца, трэба даслаць апісанне праекта, біяграфію ці CV, 20 здымкаў, а таксама заплаціць збор – $25 ці $15.

🖼 Пераможцы паўдзельнічаюць у групавой выставе, якая адправіцца ў галерэі House of Lucie у Лос-Анджэлесе, Афінах, Будапешце, Астуні і Самуі.

Даведацца дэталі і падацца

Выява — The Lucie Foundation

Будзь журналістам новага пакалення. Не спазніся на новы набор «Журфака па суботах» — хутка дэдлайн!

Навучанне пройдзе ў Варшаве і Вільні. Будзеш працаваць з рэальнымі задачамі, атрымліваць зваротную сувязь ад журналістаў і ствараць матэрыялы для беларускіх рэдакцый. 

«Журфак» для цябе, калі ты:

▪️пачынаеш шлях у прафесіі;
▪️ужо працуеш, але хочаш атрымаць веды паводле сучасных заходніх журналісцкіх стандартаў;
▪️пасля пераезду хочаш вярнуцца ў прафесію або змяніць ролю ў рэдакцыі;
▪️пішаш, здымаеш, працуеш з сацсеткамі, але хочаш разумець увесь журналісцкі працэс.

Праграму распрацавала выбітная ўкраінская журналістка Каця Гарчынская, якая супрацоўнічае з The Wall Street Journal, The Financial Times, The Kyiv Post.  

Навучанне будзе працягвацца 10 суботаў.

📍У Варшаве – з 3 кастрычніка па 5 снежня. Падай заяўку да 11 верасня.
📍У Вільнюсе – з 10 кастрычніка па 12 снежня. Падай заяўку да 11 верасня.

Ужо заўтра – лекцыя Аляксандра Чарнухі пра тое, як стварыць кам'юніці і заахвоціць яго данаціць. Паспецйце падаць заяўку на рэгістрацыю!

3-га верасня журналіст і аўтар музычнага каналу «Міністэрству сепультуры» Аляксандр Чарнуха раскажа, як стварыў «сваю тусоўку» навокал медыя і чаму яна гатовая яго падтрымліваць.

Даведайцеся:

▪️Чым кам’юніці адрозніваецца ад гледачоў.
▪️Як зразумець, што людзі захочуць паглядзець? Поспехі і правалы «Міністэрства».
▪️Што штурхае гледачоў плаціць праекту.
▪️Як прасіць данаты: рэгулярнасць, інфанагоды.
▪️Якую частку бюджэту праекта сёння пакрываюць данаты.
▪️Як распрацаваць фарматы, брэндынг і tone of voice.

Калі: 3 верасня (чацвер), 18:00. Афлайн у Варшаве + анлайн.

Рэгістрацыя па спасылцы

👨‍💻 Аляксандр Чарнуха працаваў журналістам і рэдактарам у Onliner, цімлідом капірайтараў і сцэнарыстаў у Wargaming. Запусціў два Youtube-каналы, апублікаваў дзве мастацкія кнігі.

Сёння дэдлайн падачы заявак на стыпендыю DW Akademiе – не прапусціце!

Калі вы журналіст ці журналістка ў экзайле і ў вас ёсць ідэя ці бягучы праект, вы можаце адтрымаць падтрымку Акадэміі. Праграма разлічана на два месяцы з 1 кастрычніка да 30 лістапада. За гэты час вы наведаеце адукацыйны модуль афлайн, атрымаеце ментарскія кансультацыі, псіхалагічную дапамогу і стыпендыю 1500 еўра ў месяц (да падаткаў).

Набор на «Журфак па суботах» — афлайн-праграму для дасведчаных і пачынаючых журналістаў

Навучанне пройдзе ў Варшаве і Вільні. Будзеце працаваць з рэальнымі журналісцкімі задачамі, атрымліваць зваротную сувязь ад практыкуючых журналістаў і рэдактараў і ствараць уласныя матэрыялы для беларускіх рэдакцый. 

«Журфак» для вас, калі вы:

▪️пачынаеце шлях у журналістыцы;
▪️працуеце ў медыя, але хочаце сістэматызаваць веды паводле сучасных заходніх журналісцкіх стандартаў;
▪️пасля пераезду хочаце вярнуцца ў прафесію або змяніць сваю ролю ў рэдакцыі;
▪️пішаце, здымаеце, працуеце з сацсеткамі, але хочаце лепш разумець увесь журналісцкі працэс.

Праграму распрацавала выбітная ўкраінская журналістка і медыяменеджарка Каця Гарчынская, якая супрацоўнічае з The Wall Street Journal, The Financial Times, The Kyiv Post.  

Навучанне будзе працягвацца 10 суботаў.

📍У Варшаве – з 3 кастрычніка па 5 снежня. Падайце заяўку да 11 верасня.
📍У Вільнюсе – з 10 кастрычніка па 12 снежня. Падайце заяўку да 11 верасня

🎉 Вядомыя вынікі конкурсу «Голас пакалення свабоды 2026»

Мэтай прэміі стала ўшанаванне выбітных асобаў беларускай праваабарончай, літаратарскай і журналісцкай супольнасці ва ўзросце 65+, якія пасля 2020 года былі вымушаныя з’ехаць з Беларусі з-за пераследу і працягваюць сваю працу па-за межамі краіны ў Польшчы, Чэхіі або Літве.

📚 Прэмія прадугледжвае фінансавую ўзнагароду і публікацыю матэрыялаў пра лаўрэатаў і лаўрэатак у зборніку, які будзе прэзентаваны 7-га лістапада 2026 года у Еўрапейскім цэнтры салідарнасці (Гданьск, Польшча, plac Solidarności, 1).

📆 У той жа дзень у межах праграмы адбудуцца цырымонія ўручэння літаратурнай прэміі імя Ежы Гедройця 2026, сустрэчы з аўтарамі, абмеркаванні, чытанні і іншыя падзеі. Уваход вольны!

Публічныя лаўрэаты і лаўрэаткі прэміі:

▪️Наталля Бордак (Наталка Хвоя)
▪️Алесь Лозка
▪️Аляксандр Манцэвіч
▪️Соф’я Савелава
▪️Аляксандр Смалянчук
▪️Тамара Шчапёткіна

DW Akademie: стыпендыя для беларускіх журналістаў

Удзел прапануюць журналістам, якія знаходзяцца за межамі краіны і якія плануюць або ўжо працуюць над уласным праектам: публікацыяй або серыяй матэрыялаў, якія аб'яднаныя адной тэмай, аўдыёвізуальным праектам, расследваннем, інавацыйным фарматам дыстрыбуцыі ці іншым.

Заяўкі прымаюць да 1 верасня 2026 года

Адбор будзе праводзіцца ў некалькі этапаў:

🔹 папярэдні адбор,
🔹 пітчынг праектаў (да 20 удзельнікаў)
🔹 фінальны адбор (да 10 заявак)

Праграма разлічана на два месяцы ў перыяд з 1 кастрычніка да 30 лістапада. Яна ўключае:

🔸 стыпендыю 1500 еўра ў месяц (да падаткаў)
🔸 абавязковы ўдзел у адным модулі адукацыйнай праграмы (афлайн);
🔸 ментарскія кансультацыі;
🔸 юрыдычныя кансультацыі па легалізацыі і налогам для рэзідэнтаў Польшчы;
🔸 псіхалагічныя кансультацыі;

📥 Падацца

💌 Чаму аўдыторыя данаціць «Міністэрству сепультуры»? Лекцыя пра тое, як пабудаваць кам'юніці

3-га верасня журналіст і аўтар музычнага каналу Аляксандр Чарнуха раскажа, як стварыў «сваю тусоўку» навокал медыя і чаму яна гатовая яго падтрымліваць.

Даведаецеся:

▪️Чым кам’юніці адрозніваецца ад гледачоў.
▪️Як зразумець, што людзі захочуць паглядзець? Поспехі і правалы «Міністэрства».
▪️Што штурхае гледачоў плаціць праекту.
▪️Як прасіць данаты: рэгулярнасць, інфанагоды.
▪️Якую частку бюджэту праекта сёння пакрываюць данаты.
▪️Як распрацаваць фарматы, брэндынг і tone of voice.

Калі: 3 верасня (чацвер), 18:00. Афлайн у Варшаве + анлайн.

Рэгістрацыя па спасылцы

👨‍💻 Аляксандр Чарнуха працаваў журналістам і рэдактарам у Onliner, цімлідом капірайтараў і сцэнарыстаў у Wargaming. Запусціў два Youtube-каналы («Міністэрства сепультуры», «Сепультура Alive»)і, апублікаваў дзве мастацкія кнігі («Свінні», «Гвалт»).

Калі вы ў Варшаве, прыходзьце паслухаць лекцыю ўжывую. Zoom не заменіць жывой атмасферы!

👩‍🎤 Як будаваць асабісты брэнд?

Даведайцеся, як зрабіць ваш голас чутным у эпоху інфармацыйнага шуму на івэнце ЦНІ і Imaguru.

Спікеры распавядуць, як жывые чалавечыя кантакты ўзмацняюць каманду, а таксама дадуць парады па вядзенні сацыяльных сетак і развіцці супольнасці навокал вашага брэнду.

Гэта афлайн-падзея ў Варшаве. Арганізатары пакрываюць лагістыку, але не аказваюць візавую падтрымку.

Івэнт адбудзецца 21-22 жніўня.
Пляцоўка: Imaguru, Twarda 14/16, Warszawa

Спікеркі і спікеры:

▪️Антон Раднянкоў — старшыня Рады Цэнтра новых ідэй.
▪️Кацярына Дошчачка — арганізатарка супольнасьцяў у Кракаве, сузаснавальніца пляцоўкі Prastora.
▪️Анастасія Рагатко — экспертка па камунікацыях і асабістым брэндынгу.

Рэгістрацыя на ўдзел скончваецца за два дні для тых, хто ў Варшаве. Паспейце падацца да 19 жніўня.

1 верасня заканчваецца прыём заявак на ўдзел у моладзевай канферэнцыі Савета Еўропы ў Страсбуры

Запрашаюць маладых людзей ад 18 да 30 гадоў, якія жывуць у краінах Савета Еўропы.

Падаць заяўкі могуць журналісты, стваральнікі лічбавага кантэнту і фактчэкеры. Удзельнікаў чакаюць дыскусіі і варкшопы пра барацьбу з дэзінфармацыяй і развіццё крытычнага мыслення.

🚌 Праезд, пражыванне і харчаванне – за кошт арганізатараў

🗓 Канферэнцыя пройдзе 9-10 лістапада

Падаць заяўку можна па спасылцы