Bugun, 28-sentabr kuni Qoraqalpog‘iston Respublikasida madaniyat va san’at sohasida amalga oshirilayotgan ishlar bilan tanishish maqsadida press-tur tashkil etilmoqda!

Jarayonlarda O‘zbekiston Respublikasi madaniyat vaziri Ozodbek Nazarbekov ham ishtirok etadi.

Press-turda OAV va blogerlar bilan birgalikda Qoraqalpog‘istondagi bir qator madaniyat muassasalariga tashrif buyuramiz.

Kino, teatr, musiqa, milliy hunarmandchilik va madaniyat sohasidagi yangiliklarni o‘z ko‘zimiz bilan ko‘ramiz.

Shuningdek, Qoraqalpog‘iston Respublikasi Madaniyat vazirligining yangi binosidagi media markazning ochilish marosimida ishtirok etamiz.

Shu bilan birga, 1-oktyabr – O‘qituvchi va murabbiylar kuni munosabati bilan bir guruh qoraqalpog’istonlik ustozlar va OAV vakillari taqdirlanadi.

Kun yakunida esa Nukus shahridagi yangi Turizm ko‘chasiga sayohat qilamiz va “Madaniyat karvoni” konsert dasturidan bahramand bo‘lamiz.

Agar siz ham madaniyat va san’at sohasidagi yangiliklarni birinchi bo‘lib ko‘rish, qiziqarli kontentlar tayyorlash va Qoraqalpog‘istondagi o‘zgarishlarni keng yoritishni istasangiz biz bilan birga bo‘ling!