"Таза Қазақстан" бағдарламасы заманауи, әділетті Қазақстанның ұлттық идеологиясының ажырамас бөлігіне айналуда

Оның үстіне, бұл қозғалыс абаттандыру мен көгалдандыру жұмыстарынан әлдеқайда ауқымды: мәселе тазалық пен экологиялық мәдениет адамның күнделікті өмір салтына айналатын жаңа өмір салты мен жаңа көзқарасты қалыптастыру туралы болып отыр. Бұл – тұрмыстағы гигиенадан, өз ауласы мен қоғамдық орындардағы тазалықты сақтап, экологиялық бастамаларға атсалысудан бастап, айналадағы адамдарға құрмет көрсетуге және әлеуметтік желілердегі ақпараттық гигиенаға дейінгі ұғымдарды қамтиды.

Қазақстанды бізден – осы елде өмір сүріп, бала тәрбиелеп, олардың болашағын қалыптастырып жатқан адамдардан артық ешкім жақсы, табысты әрі таза ете алмайды.

Әкімдіктер мен Үкіметтен абаттандыруды, көгалдандыруды және қалаларымыз бен ауылдарымыздың тыныс-тіршілігін қамтамасыз ету мәселелерін шешуді қанша талап етсек те (мұны жасауға болады және жасау қажет), шынайы алға жылжу ең алдымен өзімізден, жақсы әрі сапалы өмір сүруге деген қызығушылығымыздан, сондай-ақ, саябақтағы қоқыс болсын, жолдағы дөрекілік болсын, кез-келген тәртіпсіздік пен тазалықтың жоқтығына бейжай қарамауымыздан басталады.

Президент Қ. Тоқаевтың тазалық пен экологиялық мәдениет идеологиясын мемлекеттік саясат деңгейіне көтеруі – мемлекетті ғана емес, азаматтардың ойлау жүйесін де өзгертуге ұмтылысты көрсетеді.

Шынында да, жаңа ғимараттар мен жолдардың өзі уақыт өте келе тозып, жөндеуді талап етеді, ал, ұлттық мәдениетіміздің шынайы әрі маңызды бөлігіне, ұлт мінезінің элементіне айналған құндылықтар - халық барда қызмет ете береді.