— Як пазбегнуць крадзяжу асабістай маёмасці? Ян М.
Старшы лейтэнант міліцыі Яраслаў Туміловіч:
— Амаль палова крадзяжэй — крадзяжы пакінутай без нагляду маёмасці. Здзяйсненню такіх злачынстваў спрыяе, у першую чаргу, бестурботнасць грамадзян: яны пакідаюць кашалькі, мабільныя тэлефоны, адзенне ў грамадскіх месцах, аб’ектах гандлю, транспарце; грэбуючы здаровым сэнсам, пакідаюць на доўгае захоўванне без супрацьугонных прылад веласіпеды, самакаты, каляскі і іншую маёмасць у пад’ездах дамоў, на прыдамавой тэрыторыі, каля ўстаноў і арганізацый. Памятайце: не варта пакідаць маёмасць без нагляду нават на кароткі час, а калі ў дачыненні да вас здзейснена злачынства, як мага хутчэй паведаміце пра гэта ў міліцыю па тэлефоне 102.
Таксама варта адзначыць, што асоба, якая ўчыніла крадзеж маёмасці, нясе адказнасць у адпаведнасці з артыкулам 205 Крымінальнага кодэкса краіны.