Qazaq Ordasy

«Орда» редакциясының мәлімдемесі

Құрметті оқырмандар!

Orda.kz редакциясы 2026 жылғы 1 қыркүйектен бастап өз жұмысын толық тоқтатуға мәжбүр екенін өкінішпен хабарлайды.

Редакция жұмысының тоқтатылуы негізгі ақпараттық ресурсты ғана емес, редакцияға тиесілі барлық әлеуметтік желідегі аккаунттарды, соның ішінде YouTube арнасын да қамтиды.

Жұмысты тоқтату туралы шешімді «Ordamedia.kz» ЖШС-нің құрылтайшысы әрі алғашқы басшысы Мақсат Ғаниев қабылдады.

Бұл шешімнің астарында қандай да бір басқа себеп жоқ: редакцияның өз қызметінен тапқан табысы оның жұмысын қамтамасыз етуге жеткіліксіз. Қазіргі жағдайға әкелген өзге себептер жоқ. Редакция өз міндеттемелерін толық көлемде орындау үшін бар күшін салады.

Қазақстандық және шетелдік БАҚ әріптестерімізден тек редакцияның ресми мәлімдемелеріне сүйенуді сұраймыз.

Құрметпен,

Orda.kz бас редакторы
Ардақ Құлтай

P. S. Редакция бүгін, 2026 жылғы 31 тамыздың соңына дейін материалдар жариялауды жалғастырады. 1 қыркүйектен бастап жарияланымдар шықпайды.

Бізбен бірге болғандарыңыз үшін рақмет.

Аида Балаева Қазақстан Қауіпсіздік кеңесі төрағасының орынбасары болып тағайындалды

Президент Қасым-Жомарт Тоқаев жаңа жарлыққа қол қойды.

Құжатқа сәйкес, Қазақстанның Мәдениет және ақпарат министрі Аида Балаева Қауіпсіздік кеңесі төрағасының орынбасары қызметіне тағайындалды.

Балаева бұл ретте мәдениет және ақпарат министрі қызметін де атқара береді.


Сайт | Instagram | Facebook | YouTube | TikTok

Ерлан Қарин Қазақстанның вице-президенті болды

Құрылтай депутаттары президент Қасым-Жомарт Тоқаев ұсынған Ерлан Қариннің кандидатурасын қолдап, оны Қазақстанның вице-президенті қызметіне тағайындауға келісім берді.

Вице-президент лауазымы 2026 жылдың 15 наурызында қабылданған жаңа Конституция негізінде құрылды. Осы өзгерістерге байланысты мемлекеттік кеңесші лауазымы жойылды. Заң бойынша, вице-президент мемлекет басшысының тапсырмасымен Құрылтай, Үкімет және өзге де органдармен өзара іс-қимылды жүзеге асырады.

Ерлан Қарин 2026 жылғы 30 маусымнан бастап Президент әкімшілігі басшысының бірінші орынбасары қызметін атқарды. Оған дейін (2022 жылдың маусымынан бастап) Қазақстанның мемлекеттік кеңесшісі болған. Ол – саясаттанушы, саяси ғылымдар кандидаты.

Сайт | Instagram | Facebook | YouTube | TikTok

АҚШ пен Иран соққы алмасты: Не болды?

АҚШ Ормуз бұғазында орналасқан Иранның Ларак аралына бірқатар соққы жасады. Бұл – АҚШ-тың әскери науқанын тоқтатқаннан кейін шілде айының соңынан бері жасаған алғашқы шабуылы.

АҚШ Орталық қолбасшылығының мәліметінше, соққылар Ормуз бұғазын миналауға дайындық жүргізген күштердің нысандарына жасалған.

Иранның Tasnim агенттігінің хабарлауынша, шабуыл салдарынан екі адам қаза тауып, тағы екі адам жараланған.

Толық оқу

Сайт | Instagram | Facebook | YouTube | TikTok

Құрылтай төрағасы болып Айбек Дәдебай сайланды

Бұған дейін Қасым-Жомарт Тоқаев Құрылтай төрағасы қызметіне Айбек Арқабайұлы Дәдебайдың кандидатурасын ұсынған.

Айбек Дәдебай 1980 жылғы 1 сәуірде Алматы қаласында дүниеге келген. Абылай хан атындағы Қазақ халықаралық қатынастар және әлем тілдері университетін бітірген (2001). Осы ЖОО-ның магистратурасын «аймақтану магистрі» мамандығы бойынша бітірген (2003).

Дәдебай бұған дейін Президенті Әкімшілігінің Басшысы қызметін атқарған. Ол бұл қызметке 2024 жылғы 6 ақпанда тағайындалып, 2026 жылғы 5 мамырда басқа жұмысқа ауысуына байланысты босатылды. Ал 7 мамырда жаңадан құрылған «Әділет» партиясының төрағасы болып сайланды.

Сайт | Instagram | Facebook | YouTube | TikTok

Тоқаев Құрылтай төрағасы қызметіне Айбек Дәдебайды ұсынды

Мемлекет басшысы Қасым-Жомарт Тоқаев жаңадан сайланған Құрылтай төрағасы лауазымына Айбек Дәдебайдың кандидатурасын ұсынды.

Президент оның мемлекеттік басқарудағы мол тәжірибесін, білімі мен жауапкершілігін жоғары бағалап, депутаттарды бұл ұсынысты қолдауға шақырды.

Сайт | Instagram | Facebook | YouTube | TikTok

Қазақстан Үкіметі жаңадан сайланған Құрылтай алдында өз өкілеттігін доғарды.

Президент Жарлығына сәйкес, жаңа Үкіметтің құрамы бекітілгенге дейін қазіргі Үкімет өз міндеттерін атқара береді.

Жарлық 28 тамыздан бастап күшіне енді.

Сайт | Instagram | Facebook | YouTube | TikTok

📖 232 адам «Болашақ» стипендиясын иеленді

Олардың 179-ы магистратурада, 12-сі докторантурада, бір азамат бакалавриат бағдарламасы бойынша білім алады. Ал 40 қазақстандық шетелдік ұйымдарда кәсіби тағылымдамадан өтеді.

Толығырақ сайтымызда

Сайт | Instagram | Facebook | YouTube | TikTok

⚡️Ғылым және жоғары білім министрлігі Қазақстандағы 2026 жылғы магистратура гранты иегерлерінің ресми тізімін жариялады.

Сайт | Instagram | Facebook | YouTube | TikTok

Орталық сайлау комиссиясының құрылтай сайлауының алдын ала нәтижесі:

🔴«Әділет» партиясы – 71,17%;
🔴Жалпыұлттық социал-демократиялық партия (ЖСДП) – 5,11%;
🔴Қазақстанның «Байтақ» жасылдар партиясы – 1,7%;
🔴Қазақстанның халық партиясы (ҚХП) – 3,10%;
🔴«Ауыл» халықтық-демократиялық патриоттық партиясы – 6,26%;
🔴Қазақстанның «Ақ жол» демократиялық партиясы – 5,21%;
🔴Respublica – 5,56%;
🔴«Бәріне қарсымын» – 2,51%.

Құрылтайға өту үшін партиялар дауыс беруге қатысқан сайлаушылардың кемінде 5%-ының дауысын жинауы керек.

Сайт| Instagram | Facebook | YouTube | TikTok

🟡Алматының «Қайраты» Еуропа лигасының іріктеу кезеңінің плей-офф кезеңіндегі алғашқы матчта өз алаңында бельгиялық «Андерлехтке» 0:3 есебімен жол берді.

Матч басында финляндиялық жартылай қорғаушы Яакко Оксанен допты өз қақпасына енгізіп, «Андерлехтті» алға шығарды. Кейін чехиялық жартылай қорғаушы Лукаш Амброс пен украиналық шабуылшы Даниил Сикан гол соғып, есепті 3:0-ге жеткізді.

Бірінші таймда «Қайрат» ойыншысы Александр Широбоков алаңнан қуылды. Бас төреші VAR-ға жүгінгеннен кейін қазақстандық қорғаушыға тікелей қызыл карточка көрсетті.

Қарымта кездесу 27 тамызда Брюссельде өтеді. Екі ойынның қорытындысы бойынша жеңімпаз Еуропа лигасының негізгі кезеңіне жолдама алады. Ал жеңілген команда Конференциялар лигасының негізгі кезеңінде өнер көрсетеді.

«Қайрат» – еурокубок жолындағы күресін жалғастырып жатқан Қазақстанның жалғыз клубы.

Сайт| Instagram | Facebook | YouTube | TikTok

❗️Елордадағы Carlin мекемесінде стендап-комик Ғалым Қалиақпаровтың концерті тоқтатылды. Іс-шараны ұйымдастырушылар профилактикалық түсіндіру жұмыстарын жүргізу үшін полицияға жеткізілді

Толық оқу

Сайт| Instagram | Facebook | YouTube | TikTok

Солтүстік Арал қайта толып келеді: Су дипломатиясы теңіз тағдырын өзгертті

Бір кездері тартылған Арал теңізі Қазақстан үшін экологиялық қасіреттің символына айналғаны рас. Алайда соңғы жылдары Солтүстік Аралдың жағдайы біртіндеп өзгере бастады.

Теңізге түсетін су көлемінің артуы, Көкарал бөгетінің жұмысы, көрші мемлекеттермен су мәселесі бойынша келісімдер және Сырдария бассейніндегі су ресурстарын тиімді басқару Солтүстік Аралды сақтап қалуға мүмкіндік беріп отыр.

Қазір бұл үдерістің тағы бір маңызды кезеңі басталғалы тұр. Қазақстан Солтүстік Аралды одан әрі ұлғайтуды көздеп, Көкарал бөгетін қайта жаңғырту жобасын қолға алмақ.

Толық оқу

Сайт| Instagram | Facebook | YouTube | TikTok

Дамаск соты Сирияның бұрынғы президенті Башар Асадтың немере ағасы Васим Асадты әскери қылмыстар мен адамзатқа қарсы қылмыстар жасағаны үшін өлім жазасына кесті.

Сот мәліметінше, азамат соғысы кезінде Васим Асад Башар Асад жағында соғысқан екі қарулы топ құрып, Дамаск маңындағы қанды шабуылдарға қатысқан. Ол сондай-ақ азаматтық соғысқа арандату, заңсыз қамау және азаптауға кінәлі деп танылды.

46 жастағы Васим Асад 2025 жылы Ливан шекарасына жақын жерде ұсталған. Ол АҚШ санкциялары тізімінде болған.

Бұл Башар Асад әулетінің өкілдеріне қатысты Сирия соттарының соңғы шешімдерінің бірі. 11 тамызда Башар Асадтың өзі де Сирия сотында сырттай өлім жазасына кесілген еді.

Сайт| Instagram | Facebook | YouTube | TikTok