Фуқаролардан 8 миллион доллар ўмарган кибержиноятчилар қўлга олинди.

Тошкент шаҳри ва вилоятида яшовчи беш нафар шахс Миробод туманида сохта колл-марказ ташкил этиб, фуқароларнинг банк карталаридан пулларни ўзлаштирган ва онлайн кредитлар расмийлаштирган.

Дастлабки маълумотларга кўра, жиноий йўл билан қўлга киритилган 8 миллион доллар криптоактивларга айлантирилиб, хорижга чиқарилган ва легаллаштирилган.

Жиноят иши қўзғатилиб, гуруҳга алоқадор 10 нафар шахс аниқланган. Улар орасида йирик банклардан бирининг киберхавфсизлик ходими ҳам бор.

🤝 @OPER_UZ – ОПЕРАТИВ ВА ХАВФЛИ ЯНГИЛИКЛАР КАНАЛ