Ёзишларича, Зайнилобиддин Шаҳобиддинович Низомиддинов Сирдарё вилояти ҳокими вазифасини бажарувчи этиб тайинланди. У бунга қадар Тошкент вилоятининг Бекобод тумани ҳокими лавозимида ишлаб келаётган эди.

Зайнилобиддин Низомиддинов 1974 йил 27 май куни Сурхондарё вилоятининг Сариосиё туманида туғилган. Маълумоти олий, мутахассислиги — иқтисодчи.

У турли йилларда Ўзбекистон касаба уюшмалари федерацияси раисининг биринчи ўринбосари, Ўзбекистон Республикаси Президенти Администрацияси раҳбари ва давлат бошқаруви тизимидаги бошқа масъулиятли лавозимларда фаолият юритган.

Эслатиб ўтамиз, Сирдарё вилоятининг собиқ ҳокими Эркинжон Турдимов Таълим ва илм-фан вазири лавозимига тайинланган эди.

🤝 @OPER_UZ – ОПЕРАТИВ ВА ХАВФЛИ ЯНГИЛИКЛАР КАНАЛИ!