Ҳукуматнинг қарори билан (552-сон, 09.10.2026 й.) касбий таълим ташкилотларининг ишлаб чиқариш таълими усталарига малака тоифаси бериш тартиби тугатилиб, касбий сертификат бериш тизими белгиланди.
• Кимлар ва қандай тартибда ўтади?
Касбий таълим ташкилотларида фаолият юритаётган усталар ҳар 5 йилда камида бир марта мажбурий тартибда сертификатлашдан ўтказилади. Сертификат 5 йил муддатга берилади.
• Имтиҳон шакли: Синовлар 2 босқичда жами 100 баллик тизимда ўтказилади:
• 1-босқич — назарий билимлар (максимал 30 балл);
• 2-босқич — амалий кўникмалар (максимал 70 балл). Сертификат олиш учун номзод ҳар иккала босқичнинг ҳар бирида камида 70 фоиздан тўплаб, умумий 70 балл ёки ундан юқори натижа кўрсатиши шарт.
• Сертификатсиз ишлаш мумкинми? Мажбурий синовдан ўта олмаган устага бир марта қайта топшириш имконияти берилади. Унда ҳам ўта олмаса, меҳнат шартномаси қонунчиликда белгиланган тартибда бекор қилинади.
• Кимларга тўғридан-тўғри берилади? Ўқувчилари халқаро ёки республика касбий танловларида 1–3-ўринларни эгаллаган усталарга синовларсиз тўғридан-тўғри касбий сертификат берилади.
• Хизмат тўлови: Навбатдаги мажбурий сертификатлаш бепул амалга оширилади, ихтиёрий (навбатдан ташқари) топширганда эса БҲМнинг 3 баравари миқдорида йиғим олинади (ЯИДХП ёки платформа орқали мурожаат қилинса 10% чегирма мавжуд).
🤝@OPER_UZ – ОПЕРАТИВ ВА ХАВФЛИ ЯНГИЛИКЛАР КАНАЛИ!