❗️Ўлат сабаб Иркутскда айрим шифохоналарда карантин жорий этилди

Россиянинг Иркутск вилоятида 28 ёшли противочума институти ходими вафот этгани ортидан бир қатор шифохоналарда карантин чоралари кучайтирилди.

Маҳаллий ОАВ маълумотларига кўра, Иркутскдаги 1, 3 ва 10-сонли шифохоналар, туғуруқхона ҳамда болалар шифохонаси карантинга ёпилган. Шелеховдаги район шифохонаси ҳам карантинга олинган.

Марҳумада ўлат бўлгани ҳақида хабарлар тарқалган бўлса-да, Россия Роспотребнадзори ташхисни ўлат деб расман тасдиқламаган. Идора беморда келиб чиқиши номаълум пневмония бўлганини ва касбий фаолияти билан боғлиқ микроорганизмлар аниқланмаганини маълум қилди.

Марҳума билан алоқада бўлган 197 киши тиббий кузатувга олинган, уларда ҳозирча касаллик белгилари аниқланмагани ва лаборатория натижалари салбий экани билдирилган.

Шунингдек, Шелеховдаги Иркутск алюминий заводида ниқоб тақиш режими жорий этилгани хабар қилинди.

🤝 @OPER_UZ – ОПЕРАТИВ ВА ХАВФЛИ ЯНГИЛИКЛАР КАНАЛИ!