❗️Энди кўча жангларини ташкил қилганлар жиноий жавобгарликка тортилади
Олий Мажлис Сенатининг 20-ялпи мажлисида уюшган жиноятчилик ва жамоат тартибига қарши жиноятлар учун жавобгарликни кучайтиришга қаратилган қонун маъқулланди. Унга кўра, жиноий уюшма фаолиятини молиялаштириш, уни ташкил этиш ёки содир этилган жиноятларни мансаб ваколатларини суиистеъмол қилган ҳолда яшириш учун алоҳида жавобгарлик белгиланади.
Шунингдек, уюшган гуруҳ томонидан безорилик содир этганлик учун жазо кучайтирилади. Жиноят содир этгунга қадар 14 ёшга тўлган шахсларнинг уюшган гуруҳ таркибида безорилик қилгани учун ҳам жиноий жавобгарлик жорий этилмоқда.
Бундан ташқари, безорилик оқибатида қасддан оғир тан жароҳати етказиш ёки жабрланувчининг ўлимига сабаб бўлиш учун жавобгарлик кучайтирилади. Жанговар спорт мусобақаларини ноқонуний ташкил этиш ёки ўтказиш учун эса жиноий жавобгарлик белгиланади.
Қонун сенаторлар томонидан маъқулланди.
🤝 @OPER_UZ – ОПЕРАТИВ ВА ХАВФЛИ ЯНГИЛИКЛАР КАНАЛИ!