Сваёй нястомнай працай і няспынным творчым пошукам вы закладваеце асновы заўтрашняга дня.

Вы натхняеце, развіваеце крытычнае мысленне і рыхтуеце дзяцей да выклікаў сучаснага свету. Дзякуючы вашай адданасці, неабыякавасці, мудрасці, гатоўнасці расхінуць сваё сэрца кожнаму дзіцяці, падрастае новае пакаленне актыўнай, творчай, амбіцыйнай моладзі.

Яе поспехі на прэстыжных алімпіядах, рэспубліканскіх і міжнародных конкурсах – ваша заслуга і ваш уклад у будучыню горада і ўсёй краіны.

Асаблівыя словы падзякі адрасую ветэранам педагагічнай працы – лю­дзям, якія з’яўляюцца прыкладам для маладых педагогаў у самааддачы і глыбокай вернасці прафесіі.

Дарагія настаўнікі, шчыра жадаю дасягнення новых прафесійных вышынь, творчых ідэй, далейшых поспехаў на ніве асветы, дапытлівых і адораных вучняў! Моцнага вам здароўя, аптымізму, сямейнага дабрабыту і бясконцай жыццёвай энергіі! Няхай ваша нялёгкая праца прыносіць радасць і станоўчыя эмоцыі на гэтым высакародным шляху!