З’явіўся набор паштовак з ілюстрацыямі і цытатамі Паўла Севярынца

Пра гэта паведаміла жонка палітвязня Вольга.

«Гляджу я на гэтыя паштоўкі, думаю пра свайго каштоўнага мужа і быццам чую, што ён кажа мне без словаў: «Нягледзячы ні на што, рабі сваю справу і вер у лепшае». І так аднойчы пераможаш», — піша Вольга Севярынец.

У набор уваходзяць 10 рознакаляровых паштовак з актуальнымі цытатамі з тэкстаў Паўла Севярынца з-за кратаў і малюнкамі беларускіх храмаў, якія ён дасылае сыну ў лістах. Памер паштоўкі 14,5х10,5 см, блізкі па фармаце да А6. Глянцавая ламінацыя з двух бакоў.

Каштуе адзін набор 10 рублёў. Замовіць можна па спасылцы.