NamSTU | International

1️⃣2️⃣3️⃣4️⃣5️⃣
NAMDTU VA O‘SH TEXNOLOGIYA UNIVERSITETI: AKADEMIK MOBILLIK VA HAMKORLIK ISTIQBOLLARI

Namangan davlat texnika universiteti Yashil transformatsiya va texnologiya fakulteti Oziq-ovqat texnologiyasi kafedrasi professor-o‘qituvchilari hamda faol talabalari akademik mobillik dasturi doirasida Qirg‘iziston Respublikasining O‘sh texnologiya universitetiga tashrif buyurishdi.

O‘sh texnologiya universitetining tashqi aloqalar va rivojlanish bo‘yicha prorektori Akmataliyev Asanbek Turg‘unboyevich boshchiligidagi universitet rahbariyati NamDTU delegatsiyasini samimiy kutib oldi.

Uchrashuvda ikki oliy ta’lim muassasasi o‘rtasidagi hamkorlikni kengaytirish, professor-o‘qituvchilar va talabalar almashinuvini yo‘lga qo‘yish, ilmiy-ta’limiy aloqalarni mustahkamlash hamda qo‘shma loyihalarni amalga oshirish istiqbollari muhokama qilindi.

Tashrif davomida mezbon universitet vakillariga esdalik sovg‘alari topshirildi.

Batafsil
👀На русском  👀In English

NamDTU rasmiy axborot kanallari:
Web-site |  Telegram |  Instagram | X
Facebook |  YouTube |  LinkedI

1️⃣2️⃣3️⃣4️⃣5️⃣
NAMDTU VA TURKIYANING BALIKESIR UNIVERSITETI: ILMIY HAMKORLIKNING YANGI YO‘NALISHLARI

Namangan davlat texnika universiteti xalqaro ilmiy-ta’limiy hamkorlik aloqalarini kengaytirish, xorijiy oliy ta’lim muassasalari bilan o‘zaro manfaatli aloqalarni mustahkamlashga alohida e’tibor qaratmoqda.

Universitetning “Texnologik jarayonlarni avtomatlashtirish” kafedrasi dotsenti Sherzod Djurayev hamda doktorantlar Axror Tursunov va Zohidjon Inomov Turkiya Respublikasining Balıkesir universitetida xizmat safarida bo‘lib, hamkorlikning istiqbolli yo‘nalishlarini muhokama qildilar.

Tashrif doirasida delegatsiya Balıkesir universiteti rektori bilan uchrashdi. Muloqot davomida ikki oliy ta’lim muassasasi o‘rtasida ilmiy-ta’limiy hamkorlikni rivojlantirish, professor-o‘qituvchilar va talabalar akademik almashinuvini yo‘lga qo‘yish hamda qo‘shma ilmiy tadqiqotlarni amalga oshirish masalalari muhokama etildi.

Shuningdek, NamDTU vakillari universitet huzuridagi Teknokent faoliyati bilan tanishdilar. Innovatsion ishlanmalarni tijoratlashtirish, startap loyihalarni qo‘llab-quvvatlash va ilmiy g‘oyalarni amaliyotga tatbiq etish bo‘yicha ilg‘or tajribalar o‘rganildi. Tomonlar kelgusida qo‘shma innovatsion loyihalarni amalga oshirish imkoniyatlarini ham ko‘rib chiqdilar.

Batafsil
👀На русском  👀In English

NamDTU rasmiy axborot kanallari:
Web-site |  Telegram |  Instagram | X
Facebook |  YouTube |  LinkedI

YAPONIYADA TA’LIM, AMALIYOT VA KARYERA: NAMDTU TALABALARIGA XALQARO IMKONIYATLAR TAQDIM ETILDI

Bugun Yoshlar kuni munosabati bilan Namangan davlat texnika universiteti Arxitektura va qurilish fakultetida talabalarni Yaponiyadagi ta’lim dasturlari, haq to‘lanadigan amaliyot va ishga joylashish imkoniyatlari bilan tanishtirishga bag‘ishlangan uchrashuv tashkil etildi.

Unda OUKAWAY MChJ Yaponiya kompaniyasi direktori Abrorjon Madimarov, ASIBIZ MChJ rekruting kompaniyasining Markaziy Osiyo dasturi mas’ul xodimi Takai Kenta, universitetning xalqaro hamkorlik bo‘yicha prorektori Ilhomjon Abdurahmonov, fakultet dekani Zokirxon Munavvarxonov, professor-o‘qituvchilar hamda talabalar ishtirok etdi.

Taqdimotda Yaponiyaning nufuzli universitetlarida bakalavriat, magistratura va PhD bosqichlarida tahsil olish, xususan, MEXT davlat stipendiyasi imkoniyatlari hamda ta’lim xarajatlarini qoplash shartlari haqida ma’lumot berildi.

Shuningdek, Yaponiyada kasbiy faoliyat olib borishning asosiy yo‘nalishlari tanishtirildi. Jumladan, malakali mutaxassislar uchun ish imkoniyatlari, maxsus malaka dasturlari, texnik amaliyot va 4 oydan 1 yilgacha davom etadigan haq to‘lanadigan amaliyot dasturlari haqida tushuntirishlar berildi. Ishtirokchilar yapon tilini bilish darajasi, kasbiy tayyorgarlik va dasturlarda qatnashish shartlari bilan ham tanishdilar.

Taqdimotda OUKAWAY kompaniyasining O‘zbekistondagi faoliyatiga ham alohida e’tibor qaratildi. Kompaniya 2023-yildan buyon O‘zbekiston Davlat migratsiya agentligi bilan hamkorlikda kadrlarni tanlash va HR yo‘nalishida faoliyat yuritayotgani, 2025-yil avgust oyida rasmiy litsenziya olib, faoliyatini kengaytirgani qayd etildi.

Uchrashuv yakunida talabalar o‘zlarini qiziqtirgan savollarga javob oldilar.

Batafsil
👀На русском  👀In English

NamDTU rasmiy axborot kanallari:
Web-site |  Telegram |  Instagram | X
Facebook |  YouTube |  LinkedI