Biz barcha fuqarolar, jumladan, imkoniyati cheklangan shaxslar uchun raqamli xizmatlardan foydalanish imkoniyati masalalariga katta e’tibor qaratamiz va biometrik texnologiyalardan foydalanish imkoniyati bilan bog‘liq har bir murojaatni hurmat bilan ko‘rib chiqamiz.

Shu bilan birga, raqamli biometrik identifikatsiya bir vaqtning o‘zida qulaylik, xavfsizlik va ishonchlilik talablariga javob berishi kerakligini hisobga olish muhim. Ushbu texnologiyalar qo‘llanilishi O‘zbekiston Respublikasining axborot xavfsizligi va shaxsga doir ma’lumotlarni himoya qilish sohasidagi qonunchiligi bilan tartibga solinadi.

Mazkur texnologiyalarning asosiy vazifalaridan biri foydalanuvchining o‘zini - uning shaxsiy ma’lumotlarini, qaydnomalarini va o‘z nomidan yuridik ahamiyatga ega harakatlarni amalga oshirish imkoniyatini himoya qilishdan iborat. Shu sababli, raqamli identifikatsiya jarayonlarini tashkil etishda xizmatlardan ruxsatsiz foydalanish, fuqarolarning shaxsini soxtalashtirish va boshqa firibgarlik harakatlarining oldini olishga qaratilgan choralar qo‘llaniladi.

Firibgarlik sxemalarining doimiy rivojlanishi va yanada murakkablashishi natijasida bunday mexanizmlarning ishonchliligiga qo‘yiladigan talablar alohida ahamiyat kasb etmoqda. Tizim foydalanuvchining identifikatsiya jarayonida bevosita ishtiroki faktini real vaqt rejimida tasdiqlashi shart.

Yagona integrator UZINFOCOM inklyuzivlik va qulaylikni o‘z yechimlarini yanada rivojlantirishning muhim yo‘nalishlari deb biladi va raqamli identifikatsiyaning zarur darajadagi xavfsizligi va ishonchliligini saqlab qolgan holda foydalanuvchilar imkoniyatlarini kengaytirishga imkon beruvchi mexanizmlarni joriy etishni qo‘llab-quvvatlaydi.