🥞*Җомга коймагы*

ӘХЛАК ДӘРЕСЛӘРЕ.

1️⃣0️⃣6️⃣дәрес: күршең үзеңнән яхшырак булсын.

Пәйгамбәребез ﷺ: *“Дүрт нәрсә бәхеткә илтә: изге хатын, киң торак, изге күрше, яхшы ат. Дүрт нәрсә хәсрәт булып тора: яман хатын, яман күрше, начар ат һәм кысырыңкы йорт”,*- диде (Ибн Хиббән, Хәким, Табәрани).
Чыннан да яхшы күрше белән яшәү - бу дөньяның бер нигъмәтедер. Яхшы күрше үзеңә дә, балаларыңа да бер үрнәк булып тора. Хәҗәтең төшсә ярдәмгә ашыга. Сәфәргә чыгып китсәң, бер дә борчылмыйсың, күршең бөтен нәрсәңә күз-колак булып тора. Яман кеше дә күршесе яхшы булганга шатланадыр.
Яман күрше киресенчә, бөтен тынычлыкны бетерә. Чыгып китсәң бер кайгы, кайтып керсәң дә хәсрәт. Көндез балаңны өйдән чыгара алмыйсың. Яманны күрәләр, яман сүзләрне ишетәләр. Төнен тынычлап йокларга бирмиләр. Анда йомшак мендәрең дә, җылы өең дә рәхәтлек бирмәс.

🤲 Йә, Раббым, безгә яхшы күршеләр бир. Яман күршеләрдән имин кыл.