Tilmoch o‘yinlarini bunaqa odamlarga yoqib ketishini kutmagandim. Ommaga chiqqanida o‘sha kuniyoq 3000 ta foydalanuvchi, hozir esa kuniga 700-800 ta foydalanuvchi bu jumboqlarni yechib kelyapti.

O‘zi buni menga Mironshoh taklif qildi, bir ko‘rib rostdanam bunday turdagi o‘yinlar hali qilinmaganiga amin bo‘ldim. Aksariyat shunday o‘yinlar juda sodda yoki o‘zbek tiliga mos emasdek tuyuldi.

Balki kelgusida krossvordlar, boshqacha jumboqlarni qo‘shib buni alohida ilova ko‘rinishida ham chiqararmiz. Qozoq, ozarbayjon tillarini ham qo‘shsa qiziq bo‘ladi, menimcha.