ML sohasini puxta o‘rganish va AI yo‘nalishida o‘zini sinab ko‘rishni istaganlar uchun yaxshi imkoniyat

Yandex ML School Uzbekistan Machine Learning va sun’iy intellekt bo‘yicha bepul bir yillik dasturning yangi bosqichiga qabul boshladi. Bu yil dasturga jami 35 nafar ishtirokchi qabul qilinadi. Dastur doirasida ishtirokchilar Machine Learning, Deep Learning, Computer Vision, NLP, LLM va Reinforcement Learning yo‘nalishlarini o‘rganadi. Shuningdek, ML sohasida mustahkam matematik baza shakllantiriladi. Nazariy bilimlar bilan bir qatorda ishtirokchilar uy vazifalarini bajaradi, amaliy topshiriqlar ustida ishlaydi va o‘qituvchilardan muntazam fikr-mulohaza oladi.

O‘tgan yili dasturga qariyb 3000 kishi hujjat topshirgan. Bu yil ham yuqori raqobat kutilmoqda. Biroq texnik oliygohning 1–2-bosqichi darajasida matematika va dasturlash bo‘yicha bilimga ega bo‘lganlar dasturga kirish imkoniyatiga ega.

👉 Arizalar 2026 yil 9 sentyabrga qadar qabul qilinadi.

@muhammadsaid_dev