Porterning “Raqobatli ustunlik” kitobini o‘qishni boshladim. 70-yillar yozilgan kitob hozir ham dolzarbligini yo‘qotmagan va iqtisodiyot, raqobat haqidagi bilimlarimning asosi bo‘lgan shekilli.

U payt venchur yoki startap tushunchasi keng tarqalmagan, shu sabab bu kitob an’anaviy bizneslarning qanday umumi strategiya qo‘llab, bozorda raqobatbardosh bo‘la olishini ko‘rsatgan.

O‘zi bozorga kirganlar ham, kirmoqchilar ham, o‘rinbosar tovarlar ham bari raqobatchilaringiz. Ular raqobat qilishini to‘xtatuvchi omillar esa bir nechta:

- Miqyos samarasi (economies of scale). Iqtisodiyotda tovarni katta miqdorda ishlab chiqargan sari, uning tannarxi arzonlashib boraveradi, ko‘p narsa avtomatizatsiya bo‘ladi, shunga arzonga tushadi. Yangi o‘yinchi kam miqyosda siz bilan teng raqobat qilolmaydi. Masalan, bitta yondirgichni (zajigalka) o‘zingiz noldan yasayman desangiz, kamida 15-20$ ga tushsangiz kerak. Texnik jihatdan bu o‘zi “ochiq olovli yondirish qurilmasi”. Vaholanki xitoyda donasi 0.05$ ga tushadi.