Kelajak avlod LLM’lar bilan inoqlashib borar ekan, ularning fikrlari, harakatlari, yozishmalari bari bir-biriga o‘xshayveradi. To‘g‘ri, bizni bir xalq qilib turgan narsalar bor, millatimiz va odatlarimiz bir, lekin hammada o‘ziga xos fe’l-atvor bor, fikrlash tarzi deganlaridek. Deylik, ikkita dizaynerga banner chizdirdingiz, ikkovi har xil bo‘lishi tabiiy. Xuddi shu masalani LLM’ga berdingiz, u ham farqli bo‘ladi. Ammo ikkala natija orasidagi farq inson qilgan rasmlarda kattaroq va sezilarliroq bo‘ladi, LLM’niki esa ko‘proq bir-biriga o‘xshash chiqadi. Albatta, bu minglab sinovlardan keyin seziladi.

Shunga dasturchi bo‘lasizmi, dizayner yoki yurist – baribir o‘z uslubingiz bilan jamiyatga hissangizni qo‘sha olasiz, naqadar SI sizdan "yaxshiroq" ishni bajarmasin. Balki ikki oydan keyin Claude Creative degan narsa chiqib tepada yozgan narsalarim o‘z tasdig‘ini topmas, kim biladi.