🇧🇾 Віншаванне Прэзідэнта Рэспублікі Беларусь Аляксандра Рыгоравіча Лукашэнкі работнікам культуры зачытаў Першы намеснік Кіраўніка Адміністрацыі Прэзідэнта Рэспублікі Беларусь Уладзімір Барысавіч Пярцоў.
— Айчынная культура — шматвяковы летапіс беларускага народа, у якім знайшлі адлюстраванне яго багатая гісторыя, мудрасць продкаў, народныя традыцыі, дасягнені і лепшыя рысы нацыянальнага характару, — адзначаецца ў прывітальным адрасе. — Асаблівая заслуга ў прымнажэнні гэтага духоўнага скарба належыць вам — таленавітым і неабыякавым людзям, якія прысвяцілі сябе служэнню мастацтву.
Дзякуючы вашаму прафесіяналізму, майстэрству і шчырай любові да абранай справы беражліва захоўваецца спрадвечная спадчына, нараджаюцца значныя праекты, адкрываюцца новыя імёны на творчым небасхіле.