【當此「林」遇上彼「林」】
林超英，大家當然唔陌生。

由風暴、暴雨、氣候變化到環保議題，呢位前香港天文台台長多年來曝光率甚高，傳媒訪問多不勝數。但同氣象人坐低，嚟一場屬於氣象人之間嘅深入對談，卻係第一次。

《MET都傾》今集請來重量級嘉賓林超英。由氣象人角度出發，一齊談天說地，傾下一啲普通訪問甚少觸及嘅議題。

當前香港天文台台長遇上民間氣象人，究竟會傾出啲咩火花？

八月二日，星期日晚9點正，約定大家準時收睇！